මුදල් අමාත්යාංශයට අයත් අමෙරිකානු ඩොලර් මිලියන 2.5ක මුදලක් අස්ථානගත වීමේ සිද්ධිය සම්බන්ධයෙන් වැඩ තහනමට ලක්ව සිටි, විදේශ සම්පත් දෙපාර්තමේන්තුවේ සහකාර අධ්යක්ෂ රංග රාජපක්ෂ මහතා කුලියාපිටිය ප්රදේශයේ පිහිටි සිය නිවසේදී සැකකටයුතු ලෙස මියගොස් තිබේ. ඔහුගේ සිරුරේ කැපුම් තුවාල කිහිපයක් තිබී ඇති අතර සිරුර අසල තිබී කුඩා පිහියක් සහ ලේ පැල්ලම් හමුවී ඇති බව පොලිසිය පවසයි.
අස්ථානගත වූ මුදල් සම්බන්ධ විමර්ශනවලදී රංග රාජපක්ෂ මහතාගෙන් අපරාධ පරීක්ෂණ දෙපාර්තමේන්තුව අවස්ථා තුනකදී ප්රකාශ ලබාගෙන තිබුණි. හැකර් ප්රහාරයක් හරහා සිදු වූ මෙම මුදල් අස්ථානගත වීම ඔහුගේ නොසැලකිල්ල මත සිදු වූවක් බවට මූලිකව හඳුනාගෙන තිබුණද, ඔහු දූෂිත නිලධාරියෙකු නොවන බවත්, වැඩ තහනම් කිරීම හේතුවෙන් ඔහු දැඩි කනස්සල්ලෙන් සිටි බවත් විමර්ශන නිලධාරීන් පවසයි. මෙම මරණය අදාළ මූල්ය වංචා විමර්ශනයට දැඩි බාධාවක් වනු ඇතැයි පොලිසිය සැක පළ කරයි.
