පවතින අධික වර්ෂාපතනය සහිත අයහපත් කාලගුණික තත්ත්වය හේතුවෙන් අධිවේගී මාර්ගවල වාහන ධාවනය කිරීමේදී විශේෂයෙන් සැලකිලිමත් වන ලෙස මාර්ග සංවර්ධන අධිකාරිය සියලුම රියදුරන්ගෙන් හදිසි ඉල්ලීමක් කරයි.
එහිදී මාර්ගය දෙපස සවි කර ඇති විද්යුත් පුවරුවල (Electronic Display Boards) ප්රදර්ශනය කෙරෙන අවවාදාත්මක වැකි සහ උපදෙස් කෙරෙහි රියදුරන් නිරන්තර අවධානය යොමු කිරීම අත්යවශ්ය වෙයි.
අධික වැසි සහිත තත්ත්වය නිසා මාර්ගයේ ඉදිරි දෘශ්යතාව (Visibility) ඉතා අවම විය හැකි බැවින්, වාහනවල ඉදිරිපස ලාම්පු (Headlights) දල්වාගෙන ධාවනය කරන ලෙසත්, වාහනයේ උපරිම වේගය පැයට කිලෝමීටර් 60ක සීමාවක පවත්වා ගන්නා ලෙසත් එම අධිකාරිය දැනුම් දෙයි. එසේම ඉදිරියෙන් ධාවනය වන වාහනය සහ තමන්ගේ වාහනය අතර ප්රමාණවත් ආරක්ෂිත පරතරයක් නිරන්තරයෙන් තබා ගැනීම අනතුරු වළක්වා ගැනීමට අත්යවශ්ය වනු ඇත.වැසි සහිත වටපිටාව තුළ අධිවේගී මාර්ගය දැඩි ලෙස ලිස්සන සුළු ස්වභාවයක් ගන්නා බැවින්, එකවරම තිරිංග (Brakes) තද කිරීමෙන් වාහනය පාලනය කරගත නොහැකි ලෙස ලිස්සා ගොස් දරුණු අනතුරු සිදුවීමේ දැඩි අවදානමක් පවතී. මේ හේතුවෙන් පවතින තත්ත්වය පිළිබඳව මනා අවබෝධයකින් සහ ඉහළ ඉවසීමකින් යුතුව අධිවේගී මාර්ග පරිහරණය කරන ලෙස මාර්ග සංවර්ධන අධිකාරිය සියලුම වාහන පදවන්නන්ගෙන් වැඩිදුරටත් ඉල්ලා සිටියි.
