දිවයිනට බලපා ඇති පවතින අධික වර්ෂාපතනය හේතුවෙන් අධිවේගී මාර්ගවල වාහන ධාවනය කිරීමේදී විශේෂයෙන් සැලකිලිමත් වන ලෙස මාර්ග සංවර්ධන අධිකාරිය (RDA) සියලුම රියදුරන්ගෙන් හදිසි ඉල්ලීමක් කරයි. මාර්ගයේ සවි කර ඇති විද්යුත් පුවරුවල (Electronic Display Boards) ප්රදර්ශනය කෙරෙන අවවාදාත්මක වැකි සහ උපදෙස් කෙරෙහි නිරන්තර අවධානය යොමු කිරීම මෙහිදී අතිශය වැදගත් බව එම අධිකාරිය පවසයි.
අයහපත් කාලගුණය නිසා මාර්ගයේ ඉදිරි දෘශ්යතාව (Visibility) අවම විය හැකි බැවින්, වාහනවල ඉදිරිපස ලාම්පු (Headlights) දල්වාගෙන ධාවනය කරන ලෙසත්, උපරිම ධාවන වේගය පැයට කිලෝමීටර් 60ක (60 km/h) සීමාවක පවත්වා ගන්නා ලෙසත් රියදුරන්ට දැනුම් දී ඇත. එමෙන්ම, ඉදිරියෙන් ධාවනය වන වාහනය සහ තමන්ගේ වාහනය අතර ප්රමාණවත් ආරක්ෂිත පරතරයක් නිරන්තරයෙන් තබා ගැනීම අත්යවශ්ය වේ.
වැසි සහිත තත්ත්වය මත මාර්ගය අධික ලෙස ලිස්සන සුළු බැවින්, එකවරම තිරිංග (Breaks) තද කිරීමෙන් වාහනය පාලනය කරගත නොහැකි ලෙස ලිස්සා ගොස් දරුණු අනතුරු සිදුවීමේ දැඩි අවදානමක් පවතී. මේ නිසා පවතින අවදානම් සහගත තත්ත්වය පිළිබඳව මනා අවබෝධයකින් සහ ඉහළ ඉවසීමකින් යුතුව අධිවේගී මාර්ග පරිහරණය කරන ලෙස මාර්ග සංවර්ධන අධිකාරිය සියලුම වාහන පදවන්නන්ගෙන් වැඩිදුරටත් ඉල්ලා සිටියි.
