මහජනතාවගේ සහ විවිධ පාර්ශ්වයන්ගේ මූල්ය ආධාර මත ගොඩනැඟුණු ‘Rebuilding Sri Lanka’ අරමුදලේ සම්පූර්ණ වියදම් වාර්තාව කඩිනමින් පාර්ලිමේන්තුවට ඉදිරිපත් කිරීමට පියවර ගන්නා බව මුදල් සහ ක්රම සම්පාදන නියෝජ්ය අමාත්ය ආචාර්ය අනිල් ජයන්ත මහතා පැවසීය.
නියෝජ්ය අමාත්යවරයා පෙන්වා දෙන්නේ රට නැවත ගොඩනැඟීමේ අරමුණින් පිහිටවූ මෙම විශේෂ අරමුදල සඳහා මේ වන විට රුපියල් කෝටි 1,000 කට (රුපියල් බිලියන 10කට) ආසන්න දැවැන්ත මුදලක් ලැබී ඇති බවයි.
පාරිදෘශ්යභාවය සහ මහජන විශ්වාසය සුරැකීම වෙනුවෙන් එම මුදල් වැය කළ ආකාරය සහ දැනට ඉතිරිව ඇති ප්රතිපාදන පිළිබඳ සියලු තොරතුරු ඇතුළත් සවිස්තරාත්මක වාර්තාවක් මෙලෙස සභාගත කිරීමට නියමිතය.
