ජනතා යහපත උදෙසා රජයේ සංවර්ධන ව්යාපෘති කඩිනම් කිරීමට සහ බිම් මට්ටමේ ජනතා ගැටළු විසඳීමට සිය දෛනික නිල කාර්යයන්ට අමතරව ප්රමුඛත්වය දී ඇති බව ජනාධිපති ගෝඨාභය රාජපක්ෂ මහතා පවසයි.
ජනාධිපතිවරයා නිවේදනයක් නිකුත් කරමින් සඳහන් කර සිටියේ ජාතික වගකීම් සපුරාලීම සඳහා කාලය වැය කිරීමේදී උත්සව, ත්යාග ප්රදාන මෙන්ම විවාහ මංගල්යය හා සාද වැනි අවස්ථාවනට සහභාගිවීමට කාලය නොමැති නිසා එවැනි අවස්ථා සඳහා තමාට ආරාධනා නොකරන්නැයි සියලු දෙනාගෙන් කාරුණික ඉල්ලීමක් කර සිටි.
ජනාධිපතිවරයා තමාගේ කාලය පූර්ණ වශයෙන් ජනතාවගේම අභිවෘද්ධිය පිණිස කැප කිරිමත්, ජනාධිපති කාර්යාංශය මගින් ක්රියාදාමය මෙහෙයවීමට නායකත්වය සැපයීමත් නිසා තමාගේ සහභාගිත්වය අපේක්ෂා කරන පාර්ශ්වයන් වෙත මේ ඉල්ලීම කර ඇති බව ජනාධිපති මාධ්ය අංශය පවසයි.
