ඇමෙරිකා එක්සත් ජනපදයේ පෙනිසිල්වේනියා (Pennsylvania) ප්රාන්තයේ සිදු වූ මරණ දෙකක් සඳහා සරම්ප (Measles) රෝගය සෘජුවම හේතු වූයේදැයි ප්රශ්න කරමින්, එම මරණ දෙක CDC ආයතනයේ නිල සරම්ප මරණ ලැයිස්තුවෙන් ඉවත් කරන ලෙස ඇමෙරිකානු සෞඛ්ය ලේකම් Robert F. Kennedy Jr. (රොබට් එෆ්. කෙනඩි ජූනියර්) විසින් CDC හි නව අධ්යක්ෂිකා Erica Schwartz (එරිකා ෂ්වාට්ස්) මහත්මියට නියෝග කර ඇතැයි තොරතුරු වාර්තා වේ.
පෙනිසිල්වේනියා ප්රාන්ත සෞඛ්ය බලධාරීන් විසින් අදාළ මරණ සරම්ප රෝගයට සම්බන්ධ මරණ ලෙස නිල වශයෙන් තහවුරු කර තිබියදීත්, සෞඛ්ය ලේකම්වරයාගේ දේශපාලන බලපෑම මත CDC අධ්යක්ෂිකාව විසින් එම මරණ ගණනය කිරීම තාවකාලිකව අත්හිටුවා ඇත. දීර්ඝ කාලයක සිට එන්නත් විරෝධී මතවාදයන් ප්රචාරය කරන රොබට් එෆ්. කෙනඩි ජූනියර් සහ පෙනිසිල්වේනියා ආණ්ඩුකාර Josh Shapiro (ජොෂ් ෂපීරෝ) අතර මේ වන විට දැවැන්ත මතගැටුමක් නිර්මාණය වී තිබේ. ප්රාන්ත සෞඛ්ය දෙපාර්තමේන්තුවක දත්ත පදනම් කර නොගනිමින් ෆෙඩරල් සෞඛ්ය අංශ මෙලෙස දේශපාලනිකව තීරණ ගැනීම ඇමෙරිකානු මහජන සෞඛ්ය ක්ෂේත්රයේ දැඩි විවේචනයට ලක්ව ඇත.
