අඟහරුවාදා රාත්රියේ පැවැති රාජස්ථාන් රෝයල්ස් සහ පංජාබ් කිංග්ස් අතර තරගය අතරතුර රාජස්ථාන් රෝයල්ස් ක්රීඩක රියන් පරාග් (Riyan Parag) ක්රීඩාගාරය (Dressing room) තුළ විද්යුත් දුම්වැටියක් හෙවත් “වේප්” උපකරණයක් භාවිත කරන අයුරු කැමරාවක සටහන් වීමෙන් දැඩි මතභේදයක් හටගෙන තිබේ.
ඉන්දීය ක්රිකට් පාලක මණ්ඩලයේ (BCCI) රෙගුලාසිවලට අනුව ක්රීඩාගාරය තුළ හෝ ක්රීඩාංගණ පරිශ්රය තුළ දුම්පානය තහනම් වේ. ඉන්දියාවේ 2019 වසරේ පැනවූ විද්යුත් දුම්වැටි තහනම් කිරීමේ පනත (PECA) යටතේ විද්යුත් දුම්වැටි නිෂ්පාදනය, විකිණීම සහ භාවිතය නීතිවිරෝධී වන අතර පළමු වරට වරදක් සිදු කරන පුද්ගලයෙකුට වසරක් දක්වා සිරදඬුවම් හෝ රුපියල් ලක්ෂයක දඩයක් හෝ එම දඬුවම් දෙකම පැනවීමට නීතියෙන් ප්රතිපාදන ඇත.
රාජස්ථාන් රෝයල්ස් කණ්ඩායම මේ වසරේ මෙවැනි විනය ගැටලුවකට මුහුණ දුන් පළමු අවස්ථාව මෙය නොවේ. මීට පෙර එම කණ්ඩායමේ කළමනාකරු රෝමි භින්ඩර් හට ද තරගය අතරතුර ජංගම දුරකථනයක් භාවිත කිරීම හේතුවෙන් රුපියල් ලක්ෂයක දඩයක් නියම කර තිබුණි. රියන් පරාග් මෙලෙස ප්රසිද්ධියේ නීති උල්ලංඝනය කිරීම හේතුවෙන් BCCI ආයතනය ඉදිරියේදී ඔහුට එරෙහිව දැඩි පියවරක් ගනු ඇතැයි ක්රීඩා විචාරකයෝ විශ්වාස කරති.
