මුහුදු මාර්ගයෙන් පලා යාමට උත්සාහ කළ රෝහින්ග්යා සරණාගතයින්ට 2025 වසර වාර්තාගත ලෙස මාරාන්තික වසරක් වූ බවත්, 2026 වසරේදී ද එම මරණ සංඛ්යාව තවදුරටත් ඉහළ යමින් පවතින බවත් එක්සත් ජාතීන්ගේ සංවිධානය (UN) පවසයි.එක්සත් ජාතීන්ගේ සරණාගතයින් පිළිබඳ මහ කොමසාරිස් කාර්යාලයේ (UNHCR) ප්රකාශක බබාර් බලොච් ජිනීවා නුවරදී සඳහන් කළේ 2025 වසරේදී අන්දමන් මුහුදේ සහ බෙංගාල බොක්කේ සිදු වූ නෞකා අනතුරුවලින් රෝහින්ග්යා සරණාගතයින් 900කට ආසන්න පිරිසක් මියගොස් හෝ අතුරුදන් වී ඇති බවයි. මෙය කලාපයේ සරණාගත ඉතිහාසයේ වාර්තා වූ දරුණුතම තත්ත්වය ලෙස සැලකේ.පසුගිය වසරේදී අවදානම් සහගත මුහුදු ගමන්වල යෙදුණු සරණාගතයින් 6,500කට අධික පිරිස අතරින් සෑම හත් දෙනෙකුගෙන් එක් අයෙකුම මියගොස් හෝ අතුරුදන් වී ඇති බව දත්ත මගින් හෙළි වේ. මියන්මාරයේ රඛීන් ප්රාන්තයේ පවතින ගැටුම් හේතුවෙන් පලාගොස් බංග්ලාදේශයේ සරණාගත කඳවුරුවල අන්ත අසරණව වෙසෙන මිලියනයකට අධික පිරිසක් වඩාත් ආරක්ෂිත ස්ථාන සොයා මෙලෙස ජීවිත අවදානම නොතකා මුහුදු ගමන්වල නිරත වෙති.
