බෙනින් රාජ්යයේ පසුගිය අප්රේල් 12 වනදා පැවති ජනාධිපතිවරණයෙන් එරට මුදල් අමාත්ය රොමුවල්ඩ් වඩග්නි (Romuald Wadagni) සියයට 94කට වඩා වැඩි ඡන්ද ප්රතිශතයක් ලබාගනිමින් විශිෂ්ට ජයග්රහණයක් වාර්තා කර තිබේ. එරට ස්වාධීන මැතිවරණ කොමිෂන් සභාවේ සභාපති සක්කා ලාෆියා (Sacca Lafia) විසින් ඊයේ (අප්රේල් 13) රූපවාහිනිය ඔස්සේ මෙම තාවකාලික ප්රතිඵල ප්රකාශයට පත් කරන ලදී.
ගණන් කරන ලද ඡන්ද ප්රමාණයෙන් සියයට 90කට වඩා වැඩි ප්රතිශතයක් මත පදනම්ව මෙම ජයග්රහණය ප්රකාශයට පත් කර ඇති අතර, පාලක පක්ෂයේ අපේක්ෂකයා වූ වඩග්නි අනෙකුත් ප්රතිවාදීන්ට වඩා අතිවිශාල පරතරයක් පවත්වා ගැනීමට සමත්ව ඇත. බටහිර අප්රිකානු රාජ්යයක් වන බෙනින්හි ඉදිරි පාලනය මෙලෙස තහවුරු කරගැනීමට වඩග්නි ලැබූ මෙම ජයග්රහණය දේශපාලන විශ්ලේෂකයන්ගේ දැඩි අවධානයට ලක්ව තිබේ.
