බහමාස් දූපත් ආසන්නයේ මුහුදේ යාත්රා කරමින් සිටියදී සිය බිරිඳ අතුරුදන් වීම සම්බන්ධයෙන් සැකපිට අත්අඩංගුවට ගෙන සිටි 59 හැවිරිදි ඇමෙරිකානු ජාතික බ්රයන් හූකර් (Brian Hooker) නිදහස් කළ බව බහමාස් පොලිසිය පවසයි. මිචිගන් ප්රාන්තයේ පදිංචිකරුවෙකු වන ඔහු, සිය බිරිඳ වන ලිනෙට් හූකර් (Lynette Hooker) අතුරුදන් වීම සම්බන්ධයෙන් මුලින් සාක්ෂිකරුවෙකු ලෙස ප්රශ්න කළ අතර පසුව පසුගිය අප්රේල් 08 වනදා අත්අඩංගුවට ගෙන තිබුණි.
පසුගිය සති අන්තයේ අබාකෝ (Abaco) දූපත් ආසන්නයේදී ඇය අතුරුදන් වී ඇති අතර, බහමාස් ආරක්ෂක අංශ තවදුරටත් සෝදිසි මෙහෙයුම් ක්රියාත්මක කරයි. කෙසේ වෙතත්, සාක්ෂි මදිවීම හේතුවෙන් බ්රයන් හූකර්ව නිදහස් කිරීමට එරට පොලිස් කොමසාරිස්වරිය පියවර ගෙන ඇති බව රොයිටර් පුවත් සේවය වාර්තා කර ඇත.
