ඔස්කාර් සම්මාන නාමික බ්‍රිතාන්‍ය නිළි සහ පතල් උපදේශක කණ්ඩායමේ (MAG) ගෝලීය තානාපතිනි රෝසමන්ඩ් පයික් මහත්මිය, ශ්‍රී ලංකාවේ මානුෂීය බිම් බෝම්බ ඉවත් කිරීමේ තීරණාත්මක වැදගත්කම අවධාරණය කරමින් මෙරට බිම් බෝම්බ survivor කතාවක් ලෝකයා සමඟ බෙදාගෙන තිබේ.
මානුෂීය බිම් බෝම්බ ඉවත් කිරීමේ සංවිධානයක් සමඟ ශ්‍රී ලංකාවේ කළ සංචාරයකින් පසු ඇය මේ බව පවසා ඇති අතර, එහිදී තරුණ වියේදී බිම් බෝම්බ අනතුරකට ලක්ව අත් දෙක සහ මුහුණේ කොටසකට හානි සිදුවූ ‘වික්ටෝරියා’ නම් තැනැත්තියකගේ ධෛර්යවන්ත කතාව ඇය සිහිපත් කර ඇත. දශක ගණනාවකට පෙර යුද්ධය අවසන් වී තිබුණද, හිටපු ගැටුම්කාරී ප්‍රදේශවල තවදුරටත් සැඟවී ඇති බිම් බෝම්බ සහ පුපුරන ද්‍රව්‍ය හේතුවෙන් දරුවන් ඇතුළු සාමාන්‍ය ජනතාව දැඩි අවදානමකට මුහුණ දී සිටින බව පෙන්වා දී ඇති පයික් මහත්මිය, කිසිදු දරුවෙකුට එවැනි ඉරණමකට මුහුණ දීමට සිදු නොවනු පිණිස මෙරට බිම් බෝම්බ සම්පූර්ණයෙන්ම ඉවත් කළ යුතු බවට දැඩිව ඉල්ලා සිටී.
