රුසියාවේ රාජ්ය න්යෂ්ටික බලශක්ති සමාගම වන රොසැටම් (Rosatom) පවසන්නේ, රුසියානු පාලනය යටතේ පවතින යුරෝපයේ විශාලතම න්යෂ්ටික බලාගාරය වන සපොරොෂියා බලාගාරයට යුක්රේන ඩ්රෝන යානයකින් ප්රහාරයක් එල්ල වී ඇති බවයි. මෙම ප්රහාරය හේතුවෙන් බලාගාරයේ ප්රධාන උපකරණවලට හානියක් සිදුවී නොමැති වුවද, එහි ටර්බයින් ශාලාවේ බිත්තියක සිදුරක් ඇති වී තිබේ.
රොසැටම් ආයතනයේ ප්රධානී ඇලෙක්සි ලිචචෙව් නිවේදනයක් නිකුත් කරමින් සඳහන් කළේ, අද දහවල් කාලයේදී යුක්රේන කාමිකාසේ (kamikaze) ප්රහාරක ඩ්රෝන යානයක් බලාගාරයේ 6 වැනි බලශක්ති ඒකකයේ (Power Unit No. 6) ටර්බයින් ශාලාව ඉලක්ක කර ප්රහාරයක් එල්ල කළ බවත්, ඉන් අනතුරුව පිපිරීමක් සිදු වූ බවත්ය. සිද්ධිය සම්බන්ධයෙන් වැඩිදුර වාර්තා ලැබෙමින් පවතී.
