රුසියාව සහ යුක්රේනය අතර ඇති කරගත් එකඟතාවයකට අනුව දෙපාර්ශ්වයේම යුද සිරකරුවන් 205 දෙනෙකු බැගින් අද (15) හුවමාරු කරගත් බව වාර්තා වේ. අමෙරිකානු ජනාධිපති ඩොනල්ඩ් ට්රම්ප් මහතාගේ මැදිහත් වීමෙන් මෙම මස මුලදී ඇති කරගත් සටන් විරාම ගිවිසුමට සමගාමීව මෙම හුවමාරුව සිදුව තිබේ.මෙම හුවමාරු කිරීමේ ක්රියාවලිය සඳහා එක්සත් අරාබි එමීර් රාජ්යය මැදිහත්කරු ලෙස කටයුතු කර ඇත. තම සේවකයින් මේ වන විට බෙලරුස් රාජ්යයේ රැඳී සිටින බවත් ඔවුන්ට අවශ්ය පහසුකම් සපයමින් පවතින බවත් රුසියානු ආරක්ෂක අමාත්යාංශය ප්රකාශ කර තිබේ. යුක්රේනය ද සිය සිරකරුවන් නැවත පැමිණීම තහවුරු කර ඇත.ට්රම්ප් ජනාධිපතිවරයාගේ මැදිහත් වීමෙන් එළඹුණු මෙම ගිවිසුම යටතේ සෙබළුන් 1,000 දෙනෙකු හුවමාරු කර ගැනීමට දෙරටම එකඟ වී තිබුණි. මැයි 09 වනදා සිට මැයි 11 වනදා දක්වා ක්රියාත්මක වූ සටන් විරාම කාලය තුළ දෙපාර්ශ්වයෙන්ම ගිවිසුම් උල්ලංඝනය කිරීම් පිළිබඳ වාර්තා වුවද, මෙම සිරකරුවන් නිදහස් කිරීමේ පියවර ඉදිරියට ගෙන යාමට දෙරටම කටයුතු කර ඇත.
