2024 වසරේ දෙසැම්බර් මාසයේදී සිදු වූ අසර්බයිජාන් ගුවන් සේවයට (Azerbaijan Airlines) අයත් යානයක් අනතුරට පත්වීමේ සිද්ධිය සම්බන්ධයෙන් වන්දි ගෙවීමට සහ පැනනැගී ඇති ගැටලු නිරාකරණය කර ගැනීමට රුසියාව සහ අසර්බයිජානය එකඟතාවයකට පැමිණ ඇති බව අද (16) නිල වශයෙන් නිවේදනය කෙරුණි. දෙරටේ විදේශ අමාත්යාංශ නිකුත් කළ ඒකාබද්ධ ප්රකාශයකට අනුව, මෙම එකඟතාවය මඟින් වින්දිතයන්ට වන්දි ගෙවීම ඇතුළු සියලු බාහිර ගැටලු නිරාකරණය වනු ඇත.
පසුගිය 2025 ඔක්තෝබර් 09 වැනිදා ටජිකිස්තානයේදී පැවැති හමුවකදී අසර්බයිජාන් සහ රුසියානු ජනාධිපතිවරුන් අතර ඇති වූ සාකච්ඡාවල ප්රතිඵලයක් ලෙස මෙම වන්දි ගෙවීමේ තීරණය ගෙන තිබේ. මෙම පියවර දෙරට අතර පවතින යහපත් අසල්වැසි සබඳතා තවදුරටත් ශක්තිමත් කිරීමට සහ සහයෝගීතාවය වර්ධනය කිරීමට හේතු වනු ඇති බව නිල ප්රකාශයේ සඳහන් වේ.
2024 දෙසැම්බර් 25 වැනිදා සිදුවූ මෙම ශෝකජනක අනතුරින් පුද්ගලයන් 38 දෙනෙකු ජීවිතක්ෂයට පත් වූ අතර 29 දෙනෙකු තුවාල ලැබූහ. අසර්බයිජාන් ගුවන් සේවයට අයත් 8432 දරන ගුවන් යානය රුසියානු ග්රොස්නි (Grozny) නගරයට ආසන්න අහසේදී රුසියානු මිසයිල ප්රහාරයකට ලක්වීමෙන් දැඩි හානියට පත්ව කසකස්තානයේ අක්ටාවු (Aktau) ප්රදේශයට කඩා වැටීමෙන් මෙම ව්යසනය සිදුවිය.
