රුසියාව විසින් අඟහරුවාදා (ජුනි 02) අලුයම යුක්රේනයේ කියෙව්, ඩ්නිප්රෝ සහ කාර්කිව් ඇතුළු ප්රධාන නගර කිහිපයක් ඉලක්ක කර ගනිමින් දැවැන්ත මිසයිල සහ ඩ්රෝන ප්රහාර මාලාවක් එල්ල කර තිබේ. මෙම ප්රහාරවලින් අවම වශයෙන් පුද්ගලයින් නව දෙනෙකු (09) ජීවිතක්ෂයට පත්ව ඇති අතර තවත් 60කට අධික පිරිසක් තුවාල ලබා ඇති බව බලධාරීන් පවසයි.
ප්රහාරයේ තත්ත්වය:
කියෙව්: අගනුවර එල්ල වූ ප්රහාරවලින් පුද්ගලයින් 04 දෙනෙකු මියගොස් ඇති අතර 51 දෙනෙකු තුවාල ලබා ඇත. එහිදී නේවාසික ගොඩනැගිලි, රජයේ ආයතන, සිනමාහලක් සහ ක්රීඩාංගණයක් ඇතුළු වැදගත් ස්ථාන රැසකට හානි සිදුව තිබේ. ඇතැම් ගොඩනැගිලි කඩා වැටීම හේතුවෙන් සුන්බුන් අතර තවත් පිරිසක් සිරවී සිටින බවට සැක කෙරේ.
ඩ්නිප්රෝ: ප්රහාරය හේතුවෙන් පුද්ගලයින් 05 දෙනෙකු මියගොස් 25 දෙනෙකු තුවාල ලබා ඇත. එහිදී නේවාසික ගොඩනැගිලි සහ ළමා උද්යානයකට හානි සිදුව තිබේ.
කාර්කිව්: ඩ්රෝන සහ මිසයිල ප්රහාර හේතුවෙන් 10 දෙනෙකු තුවාල ලබා ඇති අතර ගොඩනැගිලි කිහිපයකට හානි සිදුව ඇත.
මෙම ප්රහාර සඳහා රුසියාව විසින් ‘ඔරෙෂ්නික්’ (Oreshnik) මධ්යම දුර බැලස්ටික් මිසයිල පද්ධතියක් ද භාවිතා කර ඇති බව වාර්තා වේ. පසුගිය දින කිහිපයේදී රුසියාව විසින් යුක්රේනයේ මධ්යස්ථාන ඉලක්ක කර ගනිමින් මෙවැනි ප්රහාර එල්ල කරන බවට අනතුරු ඇඟවීම් නිකුත් කර තිබූ අතර, ජනතාව බංකර් සහ මෙට්රෝ දුම්රිය ස්ථානවල ආරක්ෂාව පතා තිබිණි.
