පසුගිය සතිය තුළ පමණක් යුක්රේනය විසින් එල්ල කරන ලද ඩ්රෝන යානා 3,124කට අධික සංඛ්යාවක් ව්යර්ථ කර විනාශ කිරීමට රුසියානු ආරක්ෂක අංශ සමත්ව ඇති බව රුසියාවේ ‘RIA’ රාජ්ය පුවත් ඒජන්සිය වාර්තා කරයි. රුසියානු ආරක්ෂක අමාත්යාංශයේ නිල දත්ත උපුටා දක්වමින් ඔවුන් මේ බව ප්රකාශ කර තිබේ.
එම දත්ත වාර්තාවලට අනුව වැඩිම ඩ්රෝන යානා ප්රමාණයක් බිමහෙළා ඇත්තේ මැයි 13 සහ මැයි 17 යන දිනයන්හිදීය. එහිදී පිළිවෙළින් ඩ්රෝන යානා 572ක් සහ 1,054ක් විනාශ කර ඇති අතර, මෙම ප්රහාරයන්ගෙන් බහුතරයක් යුරෝපීය රුසියානු කලාපය ඉලක්ක කරගෙන එල්ල වී තිබුණි.
මේ අතර, පසුගිය ඉරිදා (මැයි 17) යුක්රේනය විසින් වසරකට වැඩි කාලයකට පසු රුසියානු අගනුවර වන මොස්කව් වෙත එල්ල කළ දැවැන්තම රාත්රී ඩ්රෝන ප්රහාරයෙන් මොස්කව් කලාපයේ තිදෙනෙකු ඇතුළුව පුද්ගලයින් සිව්දෙනෙකු ජීවිතක්ෂයට පත්ව ඇති බව ද ප්රාදේශීය බලධාරීන් තහවුරු කර ඇත.
