පවතින දැඩි ආර්ථික පීඩනය හමුවේ පොදු මහජනතාවගේ සුභසාධනය ආරක්ෂා කිරීම වෙනුවෙන් ජාත්යන්තර මූල්ය අරමුදල (IMF) සමඟ වහාම අලුත් එකඟතාවකට හෝ නව ගිවිසුමකට එළඹීමට රජය කඩිනම් පියවර ගත යුතු යැයි විපක්ෂ නායක සජිත් ප්රේමදාස මහතා අවධාරණය කරයි.
ට්විටර් (X) සමාජ මාධ්ය ගිණුමේ විශේෂ සටහනක් තබමින් විපක්ෂ නායකවරයා පෙන්වා දෙන්නේ පවතින ගෝලීය ආර්ථික අභියෝග හමුවේ සිය පුරවැසියන් මත පැටවෙන බර අවම කිරීම සඳහා බංග්ලාදේශය ද මේ වන විට වඩාත් ප්රායෝගික වූ IMF වැඩපිළිවෙළක් වෙත යොමු වෙමින් සිටින බවයි. ශ්රී ලංකාව ද ඒ හා සමානව සිය ආර්ථික ප්රතිපත්ති තීරණ ගැනීමේදී රාජ්ය මූල්ය අරමුණු පමණක් නොව මහජන සුභසාධනය ද එහි කේන්ද්රස්ථානය කරගත යුතු බව හෙතෙම කියා සිටියි.
ආර්ථික ප්රතිපත්ති සම්පාදනය ප්රමාද කිරීම පිළිබඳව රජයට අනතුරු අඟවන සජිත් ප්රේමදාස මහතා, රට තුළ නැවතත් භාණ්ඩ හිඟයක් ඇතිවන තුරු, මිල ගණන් තවදුරටත් අහස උසට ඉහළ යන තුරු සහ මෙරට පවුල් අන්ත අසරණ තත්ත්වයට පත්වන තුරු බලා සිටිය නොහැකි බව ප්රකාශ කළේය. නායකත්වයක සැබෑ වගකීම විය යුත්තේ ජනතාව විඳවන දුක දරාගත නොහැකි මට්ටමට පත්වීමට පෙර ඔවුන්ව ඉන් ආරක්ෂා කර ගැනීම බවත්, රට තවදුරටත් දැඩි ආර්ථික අගාධයකට ඇද වැටීම වැළැක්වීම සඳහා අවස්ථාව පවතින මෙම මොහොතේ රජය වහාම ක්රියාත්මක විය යුතු බවත් විපක්ෂ නායකවරයා වැඩිදුරටත් කියා සිටී.
