රටක් දියුණු වීමට නම් ශිෂ්ටසම්පන්න සහ සෞභාග්ය සම්පන්න සමාජයක් නිර්මාණය විය යුතු බවත්, එවැනි ගුණවත් සමාජයක් ගොඩනැගීමෙහිලා මහා සංඝරත්නය ඉටුකරන මෙහෙය සුවිශේෂී බවත් විපක්ෂ නායක සජිත් ප්රේමදාස මහතා ප්රකාශ කළේය. ආණමඩුව පරමාකන්ද රජමහා විහාරාධිපති පූජ්ය ආණමඩුවේ ධර්ම කීර්ති ශ්රී පඤ්ඤානන්ද ඤාණානන්ද ස්වාමීන් වහන්සේ වෙත ප්රධාන සංඝනායක ධුරය පිරිනැමීම වෙනුවෙන් පැවැති උත්සවයක් අමතමින් ඒ මහතා මේ බව කියා සිටියේය.
පසුගිය වසර කිහිපය තුළ පාස්කු ප්රහාරයේ සිට මැදපෙරදිග යුද්ධය දක්වා වූ විවිධ ඛේදවාචකයන් නිසා මෙරට ජනතාව අතිශය පීඩනයකට සහ අසහනයකට ලක්ව ඇති බව විපක්ෂ නායකවරයා මෙහිදී පෙන්වා දුන්නේය. මෙවැනි අවස්ථාවක පීඩාවට පත් ජනතාවට ඇහුම්කන් දීම සහ ඔවුන් කෙරෙහි සංවේදී වීම අත්යවශ්ය කරුණක් බවත්, දශ ලක්ෂ සංඛ්යාත ජනතාවක් මුහුණ දෙන අගහිඟතා සඳහා කඩිනම් විසඳුම් ලබාදිය යුතු බවත් ඔහු අවධාරණය කළේය.
සමාජය යහපත් තැනක් බවට පත් කිරීමේදී පන්සල කේන්ද්ර කරගත් ආගමික මධ්යස්ථාන සුවිශේෂී කාර්යභාරයක් ඉටු කරන බැවින්, මහා සංඝරත්නය ඇතුළු ආගමික නායකයන්ට අවශ්ය රැකවරණය සහ ශක්තිය ලබා දීමට රජය මැදිහත් විය යුතු බවද විපක්ෂ නායකවරයා වැඩිදුරටත් සඳහන් කළේය.
