ආර්ථික හා සමාජීය අභියෝග රැසක් මධ්යයේ වුවද, ශ්රී ලාංකේය සභ්යත්වයේත් සංස්කෘතියේත් උදාර හර පද්ධතීන් ආරක්ෂා කරගනිමින් සමරනු ලබන මෙවර සිංහල හා දෙමළ අලුත් අවුරුද්ද සුබවාදී අනාගතයකට මග පාදන්නක් වේවායි විපක්ෂ නායක සජිත් ප්රේමදාස මහතා සුබ පැතුම් පණිවුඩයක් නිකුත් කරමින් පවසයි. පවුලේ දූ දරුවන් සහ ඥාති හිතවතුන් සමඟ සාමූහිකව සමරන මෙම සංස්කෘතික මංගල්යය ජාතික සමගිය සහ සෞභාග්යය උදාකරන අවස්ථාවක් බව ඔහු පෙන්වා දෙයි.
මාතෘභූමියෙන් බැහැරව විදේශයන්හි වෙසෙමින් වුවද, සැමවිටම රටේ ජයග්රහණය පතන සහ ජාතික සංස්කෘතික අනන්යතාවය සුරැකීමට කැපවී සිටින විදේශගත ශ්රී ලාංකිකයින් ද මෙහිදී විපක්ෂ නායකවරයාගේ විශේෂ ඇගයීමට ලක්විය. එම සියලුම සිංහල හා දෙමළ විදේශගත ලාංකික ශ්රමිකයින්ට සහ ඔවුන්ගේ පවුල්වල සාමාජිකයින්ට ද මෙම උදාවූ අලුත් අවුරුද්ද ජයග්රහණ පිරි සුබ අලුත් අවුරුද්දක් වේවායි ඔහු සිය පණිවුඩයෙන් වැඩිදුරටත් ප්රාර්ථනා කර සිටියි.
