OpenAI සමාගමේ සමස්ථාපක සහ ප්රධාන විධායක නිලධාරී සෑම් ඇල්ට්මන් (Sam Altman) තමන්ට එරෙහිව සිය සහෝදරිය විසින් පවරා ඇති සිවිල් නඩුවක අඩංගු දණ්ඩනීය වන්දි ඉල්ලීම් (Punitive damages) ඉවත් කරන ලෙස අධිකරණයෙන් ඉල්ලා තිබේ. වසර විස්සකට පමණ පෙර සිදුවූ බව කියන ලිංගික අපයෝජන චෝදනා සම්බන්ධයෙන් ඔහුගේ සහෝදරිය වන ඇනී ඇල්ට්මන් විසින් මෙම නඩුව පවරා ඇති අතර සෑම් ඇල්ට්මන් එම චෝදනා දිගින් දිගටම ප්රතික්ෂේප කරයි.
ඊයේ (15) රාත්රියේ අධිකරණයට කරුණු දක්වමින් ඇල්ට්මන් පවසා ඇත්තේ මිසුරි ප්රාන්තයේ නීතියට අනුව මෙවැනි චෝදනා සඳහා දණ්ඩනීය වන්දි ඉල්ලීමට අවස්ථාවක් නොමැති බවයි. එමෙන්ම අදාළ කාලවකවානුවේදී තමන් ද දරුවෙකු ලෙස පසුවූ බව ඔහු පෙන්වා දෙයි. සිය සහෝදරිය මානසික සෞඛ්ය ගැටලුවලින් පෙළෙන බවත් මුදල් ලබා ගැනීමේ අරමුණින් මෙම අසත්ය චෝදනා එල්ල කරන බවත් පවසන ඔහු ඇයට එරෙහිව අපහාස කිරීමේ නඩුවක් ද පවරා ඇත. මීට අමතරව එලොන් මස්ක් විසින් OpenAI සමාගමට එරෙහිව පවරා ඇති ඩොලර් බිලියන 134 ක දැවැන්ත නඩුවක විභාගයට ද ලබන අප්රේල් 27 වනදා ඔහුට මුහුණ දීමට සිදුවනු ඇත.
