බුදු සසුන විනාශ කිරීම සඳහා ජාතික හා ජාත්යන්තර මට්ටමින් ඉතා සංවිධානාත්මකව ක්රියාත්මක වන දෘශ්යමාන සහ අදෘශ්යමාන සතුරු බලවේග පාලනය කිරීමට වහාම “සංඝාධිකරණයක්” ස්ථාපනය කරන ලෙස පූජ්ය ආචාර්ය ඕමල්පේ සෝභිත හිමියෝ රජයෙන් ඉල්ලා සිටිති. ජනාධිපති අනුර කුමාර දිසානායක මහතාගේ ප්රධානත්වයෙන් මාතර මිදෙල්ලවල පුරාණ රජමහා විහාරයේදී පැවැති රාජ්ය වෙසක් සතියේ ආරම්භක උත්සවය අමතමින් උන්වහන්සේ මේ බව ප්රකාශ කළහ.
මෙහිදී ධර්මය විකෘති කරන, විනය විනාශ කරන සහ බෞද්ධ දේපොළ අවභාවිත කරන පිරිස් ශාසනය තුළම සිවුරු පෙරවාගෙන සිටින බව පෙන්වා දුන් සෝභිත හිමියන්, 1931 අංක 19 දරන විහාර දේවාලගම් පනතේ 41 සහ 42 වගන්ති භික්ෂූන් වහන්සේලාට ගැලපෙන පරිදි වහාම සංශෝධනය කර දෙන ලෙස ජනාධිපතිවරයාගෙන් ඉල්ලා සිටියහ.
අතීතයේදී මහා පරාක්රමබාහු, වෝහාරතිස්ස සහ විජයබාහු වැනි ශ්රේෂ්ඨ රජවරුන් සසුන පිරිසිදු කිරීමේ වගකීම ඉටුකළ ආකාරය සිහිපත් කළ උන්වහන්සේ, වර්තමානයේදී එම ඓතිහාසික වගකීම ජනාධිපති අනුර කුමාර දිසානායක මහතාට පැවරෙන බවත්, නිසි සංඝාධිකරණයක් ක්රියාත්මක වන තෙක් මෙම ශාසනික පරිහානිය නැවැත්විය නොහැකි බවත් දැඩිව අවධාරණය කළහ.
