ශ්‍රී ලංකා පොදුජන පෙරමුණ දියත් කරන සටනේ ‘Plan B එකක්’ නොමැති බවත්, 2029 හෝ ඊට පෙර පැවැත්වෙන ජනාධිපතිවරණයකින් නාමල් රාජපක්ෂ රටේ නායකයා කිරීම තම එකම උත්සාහය බවත් හිටපු පාර්ලිමේන්තු මන්ත්‍රී සංජීව එදිරිමාන්න පවසයි.
ජන හමුවක් අමතමින් හිටපු මන්ත්‍රීවරයා සඳහන් කළේ තමන්ගේ එකම තේරීම නාමල් රාජපක්ෂ පමණක් බවත්, එම සටන ජයග්‍රහණයෙන් අවසන් කරන බවට සමාජයට මෙන්ම ජනාධිපති අනුර කුමාර දිසානායක ප්‍රමුඛ ආණ්ඩුවට ද ප්‍රකාශ කරන බවයි. ජනාධිපති අනුර කුමාර දිසානායකගේ ආණ්ඩුවට හෝ ඔහුගේ අයුක්ති සහගත දේශපාලන බලයට මෙම සටන කිසිසේත් නතර කළ නොහැකි බවද සංජීව එදිරිමාන්න වැඩිදුරටත් ප්‍රකාශ කර සිටියේය.
