ශ්රී ලංකාවේ එකම බොරතෙල් පිරිපහදුව වන සපුගස්කන්ද තෙල් පිරිපහදුවේ දේපළ, යන්ත්රෝපකරණ සහ අනෙකුත් වත්කම් පිළිබඳ වෘත්තීය තක්සේරුවක් ඔක්තෝබර් මස අවසන් වන විට අවසන් කිරීමට අපේක්ෂා කරන බව ලංකා ඛනිජ තෙල් නීතිගත සංස්ථාව (CPC) පවසයි.
‘ද සන්ඩේ මෝනිං’ වෙත අදහස් දක්වමින් CPC කළමනාකාර අධ්යක්ෂ වෛද්ය මයුර නෙත්තිකුමාරගේ සඳහන් කළේ මෙම පුළුල් වත්කම් තක්සේරුව සිදු කිරීම සඳහා ‘EY’ වෘත්තීය සේවා ආයතනය යොදවා ඇති බවත්, එයට මාස දෙකක පමණ කාලයක් ගතවනු ඇති බවත්ය. 1969 වසරේදී ආරම්භ කරන ලද සහ දිනකට බොරතෙල් බැරල් 50,000ක පමණ ධාරිතාවකින් යුත් මෙම පිරිපහදුව නවීකරණය කිරීම සහ ධාරිතාව ඉහළ නැංවීම සඳහා වන යෝජනා සඳහා වූ ඉල්ලීම් පත්රිකාව (RFP) මේ වන විට සමාලෝචන මට්ටමේ පවතින බව ඔහු වැඩිදුරටත් තහවුරු කළේය.
