දිවයිනේ ප්රදේශ රැසක් සඳහා අද (11) දිනයේදී ප්රබල අකුණු ඇතිවීමේ අවදානමක් පවතින බව කාලගුණ විද්යා දෙපාර්තමේන්තුව නිවේදනය කරයි. සබරගමුව, මධ්යම, ඌව, උතුරු මැද සහ නැගෙනහිර පළාත්වලට මෙන්ම කුරුණෑගල, මුලතිව්, මන්නාරම සහ වව්නියාව යන දිස්ත්රික්ක සඳහා මෙම අනතුරු ඇඟවීමේ නිවේදනය නිකුත් කර තිබේ. සවස් කාලයේ හෝ රාත්රී කාලයේදී මෙම ප්රදේශවල තැනින් තැන ගිගුරුම් සහිත වැසි සමඟ ප්රබල අකුණු ඇතිවීමේ වැඩි සම්භාවිතාවක් පවතින බැවින්, අකුණු මඟින් සිදුවන අනතුරු අවම කර ගැනීමට අවශ්ය පියවර ගන්නා ලෙස කාලගුණ විද්යා දෙපාර්තමේන්තුව මහජනතාවගෙන් ඉල්ලා සිටී. විශේෂයෙන් විවෘත ස්ථානවල රැඳී නොසිටින ලෙසත්, විදුලි උපකරණ භාවිතයේදී වඩාත් සැලකිලිමත් වන ලෙසත් වැඩිදුරටත් උපදෙස් දෙනු ලැබේ.
