පාස්කු ඉරුදින ත්රස්ත ප්රහාරය සම්බන්ධයෙන් තමන්ව අත්අඩංගුවට ගැනීම වැළැක්වීමේ නියෝගයක් නිකුත් කරන ලෙස ඉල්ලා අපරාධ පරීක්ෂණ දෙපාර්තමේන්තුවේ හිටපු අධ්යක්ෂ ශානි අබේසේකර සහ මහජන ආරක්ෂක අමාත්යාංශයේ ලේකම් රවී සෙනෙවිරත්න යන මහත්වරුන් ඉදිරිපත් කළ මූලික අයිතිවාසිකම් පෙත්සම් විභාගය ශ්රේෂ්ඨාධිකරණය අද (2026.04.28) අවසන් කළේය. පෙත්සම් විභාගය අවසානයේ එහි තීන්දුව ප්රකාශයට පත් කිරීම පසුවට කල් තැබීමට අධිකරණය තීරණය කරන ලදී.
ප්රීති පද්මන් සූරසේන මහතා ප්රමුඛ ත්රිපුද්ගල ශ්රේෂ්ඨාධිකරණ විනිසුරු මඩුල්ලක් ඉදිරියේ මෙම පෙත්සම් විභාගය පැවැත්විණි. පාස්කු ප්රහාරය පිළිබඳ පරීක්ෂණවලට අදාළව තමන්ව අනීතික ලෙස අත්අඩංගුවට ගැනීමේ සූදානමක් පවතින බව පවසමින් පෙත්සම්කරුවන් මෙම සහනය අධිකරණයෙන් ඉල්ලා තිබුණි.
මෙම පෙත්සම් විභාගය සම්බන්ධයෙන් දේශපාලන ක්ෂේත්රයේ ද දැඩි අවධානයක් යොමුව ඇති අතර, නුදුරු දිනකදීම ශ්රේෂ්ඨාධිකරණය විසින් සිය අවසන් තීන්දුව ප්රකාශයට පත් කිරීමට නියමිතය.
