සිංගප්පූරු ගුවන් සේවය විසින් ශ්රී ලාංකික තරුණ තරුණියන් සඳහා ගුවන් සේවක සේවිකාවන් (ලෙස එක්වීමට අවස්ථාවක් උදා කර දී තිබේ. ඒ අනුව අදාළ තනතුරු සඳහා මේ වන විට අන්තර්ජාලය ඔස්සේ අයදුම්පත් කැඳවීම ආරම්භ කර ඇත.
මෙම අවස්ථාව සඳහා අයදුම් කිරීමට අපේක්ෂා කරන අය අවුරුදු 18 හෝ ඊට වැඩි විය යුතු අතර, පිළිගත් විශ්වවිද්යාලයකින් ලබාගත් උපාධියක් අනිවාර්ය සුදුසුකමක් වේ. මීට අමතරව, ඉංග්රීසි භාෂාව ඉතා හොඳින් හැසිරවීමේ හැකියාව තිබිය යුතුය. කාන්තාවන් සඳහා අවම උස මීටර් 1.58ක් (158cm) සහ පිරිමින් සඳහා මීටර් 1.65ක් ලෙස නියම කර ඇත. තේරී පත්වන අය සිංගප්පූරුවේ පදිංචියට යාමට සහ රැකියා ගිවිසුමකට එකඟ විය යුතුය.
තේරීම් ක්රියාවලිය අදියර කිහිපයකින් සමන්විත වේ. මුලින්ම සිංගප්පූරු ගුවන් සේවයේ නිල වෙබ් අඩවිය singaporeair.com හරහා මාර්ගගතව අයදුම් කළ යුතුය. සුදුසුකම් ලබන අය සඳහා මාර්ගගත වීඩියෝ සම්මුඛ පරීක්ෂණයක් පැවැත්වෙන අතර, ඉන් සමත් වන්නන් සඳහා 2026 වසරේ සැප්තැම්බර් හෝ ඔක්තෝබර් මාසවලදී කොළඹදී අවසන් සම්මුඛ පරීක්ෂණ පවත්වනු ලැබේ.
මෙම රැකියාවට තේරී පත්වන අයට ජාත්යන්තර මට්ටමේ ඉහළ වැටුපක්, දීමනා, වෛද්ය සහ රක්ෂණ පහසුකම් හිමි වේ. එමෙන්ම, සෑම වසරකම තමන් සහ තම පවුලේ අය වෙනුවෙන් නොමිලේ සහ සහන මිලට ගුවන් ටිකට්පත් ලබා ගැනීමේ වරප්රසාදය ද හිමි වේ.
සිංගප්පූරු ගුවන් සේවය කිසිදු බාහිර ආයතනයක් හරහා මුදල් අය කර බඳවා ගැනීම් සිදු නොකරන බවට සිහිපත් කරන අතර, මුදල් වංචාකරුවන්ට අසු නොවී නිල වෙබ් අඩවිය හරහා පමණක් අයදුම් කරන ලෙස තරයේ අවවාද කෙරේ.
