ඓතිහාසික සිතුල්පව්ව රාජ මහා විහාරයට ගමන් කරන මාර්ග දෙක යාල වන උද්යානය මැඩින් වැටී ඇති අතර, වැසි කාලයට ඒවා සම්පූර්ණයෙන්ම සෝදාපාළුවට ලක්ව වාරි මාර්ග බවට පත්වේ. සෑම වර්ෂයකම පොසොන් පින්කමට පෙර මෙම මාර්ග දෙක පිළිසකර කිරීම සඳහා තිස්ස යෝධකණ්ඩිය මාර්ගයට රුපියල් ලක්ෂ 90ක් සහ කතරගම කටගමුව මාර්ගයට රුපියල් ලක්ෂ 50ක් ලෙස වාර්ෂිකව රජය විසින් රුපියල් එක්කෝටි හතළිස් ලක්ෂයක් වැය කළද, ඔක්තෝබර් වන විට වැසි ආරම්භ වීමත් සමඟ මාර්ග යළිත් වළවල් හැරී නරක් වන බැවින් එම මුදල් අපතේ යන බව විහාරාධිකාරී හිමියෝ පෙන්වා දෙති.
