මීගමුව බන්ධනාගාරයේ ඇති වූ ප්රචණ්ඩකාරී ගැටුම සහ ඉන් බන්ධනාගාර නිලධාරීන් ඇතුළු 25 දෙනෙකු ජීවිතක්ෂයට පත්වීම සම්බන්ධයෙන් ආණ්ඩුවට දැඩි විවේචනයක් එල්ල කරමින් සමගි ජන බලවේගය (සජබ) අද (06) විශේෂ ප්රකාශයක් සිදු කළේය.
“අද රටේ ගොවියා අසරණ වී සිටින අතර බන්ධනාගාර තුළ රැඳවියන් එකිනෙකා මරා ගනිමින් සිටිනවා. ‘ගොවි පුතෙක්’ යන තේමාව යටතේ ජනතාවගෙන් ඡන්දය ඉල්ලා බලයට පත් වූ වත්මන් ජනාධිපතිවරයාගේ පාලනය සහ රටේ නීතිය හා සාමය පවත්වාගෙන යාම සම්බන්ධයෙන් මේ වන විට බරපතල සැකයක් මතුව තිබෙනවා,” යනුවෙන් එම පක්ෂය පවසයි.
බන්ධනාගාර වැනි ආරක්ෂිත පරිශ්රයක් තුළ මෙවැනි මහා පරිමාණ ජීවිත හානියක් සිදුවීම ආණ්ඩුවේ අසාර්ථකත්වයේ හොඳම සාක්ෂිය බව පෙන්වා දෙන සජබ, රජය මේ වන විට අර්බුද ගණනාවක හිර වී සිටින බවත් ජනතාවගේ ජීවිත පිළිබඳ වගකීම භාරගැනීමට පාලනාධිකාරියට නොහැකි වී ඇති බවත් සඳහන් කරයි.
රට තුළ පවතින උද්ධමනය සහ ආර්ථික අර්බුදය හමුවේ ගොවි ජනතාව පීඩාවට පත්ව සිටින පසුබිමක, අවම වශයෙන් බන්ධනාගාර වැනි පාලනය කළ යුතු ස්ථානයකවත් සාමය රැක ගැනීමට නොහැකි වීම කණගාටුදායක බවයි එම පක්ෂය වැඩිදුරටත් අවධාරණය කළේ.
