ඩිජිටල් මූල්ය වංචා සහ සයිබර් තර්ජනවලින් මහජනතාව ආරක්ෂා කිරීම සඳහා වන “SL Scam Shield” විශේෂ විධායක සංසදය කොළඹ සිනමන් ග්රෑන්ඩ් හෝටලයේදී පැවැත්වුණි. ඩිජිටල් ආර්ථික නියෝජ්ය අමාත්ය ඉංජිනේරු එරංග වීරරත්න මහතාගේ ප්රධානත්වයෙන් පැවැත්වුණු මෙම සමුළුව ගූගල් ක්ලවුඩ් (Google Cloud) සහ NCINGA ආයතන ඒකාබද්ධව සංවිධානය කර තිබුණි.
මෙහිදී කෘත්රිම බුද්ධිය (AI) උපයෝගී කරගනිමින් සිදුවන සංකීර්ණ මූල්ය වංචා, හඬ අනුකරණයන් (Voice Cloning) සහ ව්යාජ අනන්යතා නිර්මාණයන් පිළිබඳව දීර්ඝ ලෙස සාකච්ඡා විය. සාම්ප්රදායික ක්රමවේදවලින් මෙම වංචා නැවැත්විය නොහැකි බැවින්, තත්ය කාලීනව (Real-time) ක්රියාත්මක වන AI තාක්ෂණයෙන් බලගැන්වුණු ජාතික සයිබර් ආරක්ෂණ පද්ධතියක ඇති වැදගත්කම අමාත්යවරයා පෙන්වා දුන්නේය.
දැනට බැංකු සහ රාජ්ය ආයතනවල පවතින සයිබර් ආරක්ෂණ පද්ධති හුදකලාව ක්රියාත්මක වීම දුර්වලතාවක් බව පෙන්වා දුන් ඒ මහතා, ඒ සියල්ල එකිනෙකට සම්බන්ධ කළ “ඒකාබද්ධ ජාතික සයිබර් ආරක්ෂණ රාමුවක්” (National Cybersecurity Framework) ස්ථාපිත කිරීමට අමාත්යාංශය කැපවී සිටින බව ප්රකාශ කළේය. මේ සඳහා Google Cloud සහ NCINGA (Google හි 2026 සමාජ බලපෑම් හවුල්කරු) එක්ව දේශීය වශයෙන් “Scam Shield” තාක්ෂණය නිර්මාණය කිරීම අමාත්යවරයාගේ ඇගයීමට ලක්විය.
මෙම අවස්ථාවට ජනාධිපති ජ්යේෂ්ඨ උපදේශක ආචාර්ය හාන්ස් විජයසූරිය, ශ්රී ලංකා පරිගණක හදිසි ප්රතිචාර සංසදය (SL CERT) මෙන්ම Google Cloud සහ NCINGA ආයතනවල ජ්යෙෂ්ඨ තාක්ෂණික විශේෂඥයින් පිරිසක් ද සහභාගී වූහ.
