ශ්රී ලංකා රසකැවිලි හා සූපශාස්ත්ර කලාකරුවන්ගේ ආයතනය (SLICCA) විසින් සංවිධානය කරනු ලැබූ වාර්ෂික උපාධි ප්රදානෝත්සවය, 4 වන ආසියානු කේක් ඔස්කාර් සහ 10 වන ශ්රී ලංකා කේක් සම්මාන උළෙල පසුගිය මැයි 17 වන දින කොළඹ රාමදා හෝටලයේදී ඉතා උත්කර්ෂවත් ලෙස පැවැත්විණි.
මෙම අවස්ථාවට සූපවේදී නලින්ද අබේරත්න මහතා ඇතුළු සම්භාවනීය අමුත්තන් රැසක් සහභාගී වූහ. එහිදී විවිධ පාඨමාලා සාර්ථකව නිම කළ සිසුන් 140 දෙනෙකු වෙත උපාධි පිරිනැමූ අතර, ඉන්දියාව, පකිස්ථානය, ශ්රී ලංකාව සහ මාලදිවයින යන රටවල් නියෝජනය කරමින් පැමිණි දක්ෂ ඔස්කාර් කලාකරුවන් 51 දෙනෙකු ද මෙහිදී අගයනු ලැබීය.
SLICCA ආයතනය යනු කේක් කලාව සහ ආගන්තුක සත්කාර කළමනාකරණය පිළිබඳ ජාත්යන්තර පිළිගැනීමක් සහිත වෘත්තීය ඩිප්ලෝමා පිරිනමන, UGC සහ WES අනුමත ආයතනයකි. එසේම, සහතික කළ ප්රංශ පේස්ට්රි සූපවේදියෙකු ලෙස සුදුසුකම් ලැබීමට අවස්ථාව ලබා දෙන ශ්රී ලංකාවේ එකම ආයතනය ද ඔවුන් වේ. ශ්රී ලංකාවේ එක්දින පන්ති සහ මාර්ගගත සූපශාස්ත්ර අධ්යාපන ක්ෂේත්රයේ පුරෝගාමී මෙහෙවරක් ඉටු කරන SLICCA ආයතනය, සිය 10 වන ශ්රී ලංකා කේක් සම්මාන උළෙලේදී දිවයින පුරා විසිරී සිටින දක්ෂ කලාකරුවන්ට ගෞරව නාම පිරිනැමීමට ද කටයුතු කළේය.
ආයතනයේ සභාපතිනි දේශමාන්ය ආචාර්ය ෆාතිමා රුෂ්ඩා මහත්මිය විසින් උපාධිධාරීන් සහ සම්මානලාභීන් වෙත සිය සුබ පැතුම් පිරිනැමූ අතර, ඔවුන්ගේ සූපශාස්ත්ර ක්ෂේත්රයේ දියුණුව වෙනුවෙන් සම්මාන ප්රදානය කිරීම ද සිදුවිය.
