දකුණු කොරියානු ජනාධිපති ලී ජේ මියුං (Lee Jae Myung) සහ ජපාන අගමැතිනී සානේ ටකායිචි (Sanae Takaichi) අතර රාජ්ය තාන්ත්රික හමුවක් ලබන අඟහරුවාදා පැවැත්වීමට නියමිත බව දකුණු කොරියානු ජනාධිපති කාර්යාලය අද (17) නිවේදනය කළේය. දෙරට අතර පවතින සබඳතා සහ අන්යෝන්ය විශ්වාසය තවදුරටත් ශක්තිමත් කර ගැනීම සඳහා මෙය ඉතා වැදගත් අවස්ථාවක් වනු ඇති බව කොරියානු බලධාරීහු පෙන්වා දෙති.
මෙම හමුව ජනාධිපති ලීගේ උපන් නගරය වන ‘අන්දොන්ග්’ (Andong) හිදී පැවැත්වීමට කටයුතු යොදා ඇති අතර, මෙය පසුගිය ජනවාරි මාසයේදී ජපානයේ පැවති ඔවුන්ගේ පළමු හමුවට ප්රතිචාර දැක්වීමක් ලෙස සැලකේ. මෙම සංචාරය රාජ්ය සංචාරයක (State Visit) ගෞරව සහිතව පැවැත්වෙන අතර, එහිදී දෙරටේ නායකයන් වෙනුවෙන් නිල රාත්රී භෝජන සංග්රහයක් සහ සාම්ප්රදායික සංස්කෘතික ප්රසංග ද ඇතුළත් කර ඇති බව විදෙස් මාධ්ය වාර්තා කරයි.
නැගෙනහිර ආසියානු කලාපයේ ආර්ථික සහ ආරක්ෂක සහයෝගීතාව වර්ධනය කර ගැනීම මෙම නායක හමුවේ ප්රධාන අරමුණක් වී තිබේ.
