මිල අධික ආනයනික ෆොසිල ඉන්ධන මත පදනම් වූ තාප විදුලි උත්පාදනය හේතුවෙන් ජාතික ආර්ථිකයට, පරිසර පද්ධතියට සහ සමස්ත පාරිභෝගික ජනතාවට එල්ල වන පීඩනය අවම කරමින්, මෙරට බලශක්ති ක්ෂේත්රය ස්ථාවර මාවතක් කරා මෙහෙයවන දැවැන්ත උපායමාර්ගික ප්රයත්නයක් සක්රීය වෙමින් පවතී .
නිල සංඛ්යාලේඛනවලට අනුව, 2024 වසරේදී ශ්රී ලංකාවේ සමස්ත විදුලි උත්පාදනයෙන් සියයට 46.5 ක් වැනි ඉහළ ප්රතිශතයක් සඳහා ආනයනික ෆොසිල ඉන්ධන උපයෝගී කරගෙන ඇති අතර, ඉන් සියයට 32.6 ක්ම ගල්අඟුරු බලාගාර මත යැපීම ජාතික මූල්ය ස්ථාවරත්වයට මෙන්ම පාරිසරික පැවැත්මටද දැඩි තර්ජනයක් එල්ල කර තිබේ . ජාත්යන්තර වෙළෙඳපොළේ මිල උච්චාවචනයන් හමුවේ දේශීය විදුලි පද්ධතිය මුහුණ දෙන මෙම දැවැන්ත අනාරක්ෂිතභාවය නිමා කිරීම ජාතික මට්ටමේ අත්යවශ්ය අවශ්යතාවක් බවට පත්ව ඇත .
මෙම ආර්ථික සහ පාරිසරික අර්බුදයට ස්ථිරසාර විසඳුමක් සපයමින්, දහවල් කාලයේදී ජාතික විදුලිබල පද්ධතියට මෙගාවොට් 150 ක (150MW) සූර්ය බලශක්ති ධාරිතාවක් සෘජුවම එක් කිරීමට කටයුතු යොදා ඇත . ලංකා විදුලිබල මණ්ඩලය ප්රතිව්යුහගතකරණයට ලක් කිරීමෙන් අනතුරුව, වඩාත් විනිවිදභාවයකින් යුතු නව නියාමන රාමුවක් යටතේ මෙරට ක්රියාත්මක වන ප්රථම ව්යාපෘතිය ලෙස මෙය ඉතිහාසයට එක්වේ.
චරණ කුමාරණතුංග, දුලංගා කුමාරණතුංග, මධුසංඛ ප්රනාන්දු, ලියු කායි, බන්දුල විතානආරච්චි සහ ඩේවිස් ඩි රොස් වැනි ප්රමුඛ දේශීය හා විදේශීය ආයෝජන නායකත්වයන්ගේ මඟපෙන්වීම යටතේ, Southern Nexus, DHCE සහ GTC යන සමාගම් ඒකාබද්ධව මෙම ජාතික මෙහෙයුම පෙරදැරිව කටයුතු කරයි
