ස්පාඤ්ඤයේ ග්වාඩලහාරා (Guadalajara) ප්රාන්තයේ හටගත් ‘ලා මියෙර්ලා’ (La Mierla) ලැව්ගින්න පාලනයකින් තොරව දින 5ක් තිස්සේ පැතිර යමින් පවතින අතර, එය මෙවසරේ ස්පාඤ්ඤයෙන් වාර්තා වූ විශාලතම ලැව්ගින්න බවට පත්ව තිබේ. මේ වන විට හෙක්ටයාර 26,000කට (අක්කර 64,000කට) වඩා වැඩි ප්රමාණයක් විනාශ වී ඇති අතර, ප්රදේශ 30කට ආසන්න සංඛ්යාවක් ගින්නෙන් වටවී ඇති බැවින් නිවැසියන් 1,000කට වැඩි පිරිසක් ආරක්ෂිත ස්ථාන වෙත ඉවත් කිරීමට බලධාරීන් පියවර ගෙන ඇත.
මෙම වසරේ ස්පාඤ්ඤයට බලපාන තෙවන ග්රීෂ්ම තරංගය (Heatwave) ඉදිරි දින කිහිපයේදී අපේක්ෂා කරන අතර, අප්රිකාවෙන් හමන රස්නය සහිත වියළි සුළං හේතුවෙන් උෂ්ණත්වය සෙල්සියස් අංශක 40 සිට 44 දක්වා ඉහළ යනු ඇති බවට කාලගුණ විද්යා ඒජන්සිය (AEMET) අනතුරු අඟවයි. එමඟින් ලැව්ගිනි අවදානම තවදුරටත් උග්ර විය හැකිය. 2026 වසරේදී පමණක් ස්පාඤ්ඤයේ හෙක්ටයාර 104,000කට වැඩි භූමි ප්රමාණයක් ලැව්ගිනිවලින් විනාශ වී ඇති අතර, එය යුරෝපීය සංගමයේ වැඩිම හානියක් සිදුවූ රට ලෙස සටහන් වේ.
තොරතුරු උපුටා ගැනීම: Reuters ඇසුරින්
