දෙදින නිල සංචාරයක් සඳහා දිවයිනට පැමිණ සිටින වියට්නාම ජනාධිපති ටෝ ලාම් මහතා සහ ජනාධිපති අනුර කුමාර දිසානායක මහතා අතර පැවැති නිල සාකච්ඡාවලින් අනතුරුව දෙරට අතර සහයෝගීතාව වර්ධනය කරගැනීම වෙනුවෙන් ප්රධාන අවබෝධතා ගිවිසුම් පහකට අද පෙරවරුවේ අත්සන් තැබුණි. මෙහිදී දෙරටේ පොලිස් අභ්යාස ආයතන අතර පුහුණු කටයුතු සහ විද්යාත්මක පර්යේෂණ සහයෝගීතාව වෙනුවෙන් පළමු ගිවිසුම අත්සන් තැබුණු අතර විද්යා හා තාක්ෂණ ක්ෂේත්රයේ ප්රගතිය උදෙසා දෙරටේ අදාළ අමාත්යාංශ අතර තවත් එකඟතාවකට එළැඹිණි. මීට අමතරව ආගමික ක්ෂේත්රයේ සංවර්ධනය, ආගමික ශිෂ්ය සුබසාධනය මෙන්ම සංස්කෘතික සබඳතා ප්රවර්ධනය සහ ආරක්ෂා කිරීම වෙනුවෙන් අවබෝධතා ගිවිසුම් දෙකක් අත්සන් කළ අතර තොරතුරු සහ සන්නිවේදන ක්ෂේත්රයේ සහයෝගීතාව වර්ධනය කිරීම සඳහා වන අවබෝධතා ගිවිසුමකට ද දෙරටේ නියෝජිතයෝ අත්සන් තැබූහ. මෙම රාජ්ය තාන්ත්රික හමුවට සමගාමීව වියට්නාම රජය විසින් ශ්රී ලංකාවට විශේෂ පොහොර සහනාධාරයක් ද පරිත්යාග කිරීම විශේෂත්වයක් වන අතර මෙම නව ගිවිසුම් හරහා දෙරට අතර පවතින ද්විපාර්ශ්වික සබඳතා වඩාත් ශක්තිමත් වනු ඇතැයි අපේක්ෂා කෙරේ.
