දිවයින පුරා පිහිටි සෞඛ්ය වෛද්ය නිලධාරී (MOH) කාර්යාලවල ජලභීතිකා එන්නත් දැඩි ලෙස හිඟ වී ඇති බව රජයේ වෛද්ය නිලධාරීන්ගේ සංගමය (GMOA) අනතුරු අඟවයි. එම සංගමයේ මාධ්ය ප්රකාශක වෛද්ය චමිල් විජේසිංහ මහතා සඳහන් කළේ මෙම හිඟය හේතුවෙන් ජාතික ජලභීතිකා මර්දන වැඩසටහන මේ වන විට අඩපණ වී ඇති බවත්, එමගින් සතුන් අතර රෝගය ව්යාප්ත වී මිනිස් මරණ ඉහළ යාමේ දැඩි අවදානමක් පවතින බවත්ය. පෞද්ගලික අංශයේ එන්නත් ලබා ගැනීමට තිබුණද, රජයේ සායන හරහා සිදු කරන එන්නත්කරණය මාස එකහමාරක පමණ කාලයක සිට ඇණහිට ඇති අතර, මේ හේතුවෙන් 2030 වන විට මෙරටින් ජලභීතිකාව තුරන් කිරීමේ ඉලක්කය සපුරා ගැනීම ද අසීරු වනු ඇත. පසුගිය වසරේ ජලභීතිකා මරණ සංඛ්යාව 15 දක්වා අඩු කර ගැනීමට හැකි වුවද, බලධාරීන්ගේ දුර්වල සැලසුම් සහ නිසි මැදිහත්වීමක් නොමැතිකම නිසා වසර ගණනාවක ප්රගතිය ආපස්සට යා හැකි බව සෞඛ්ය අංශ පෙන්වා දෙයි. විශේෂයෙන්ම රෝග ලක්ෂණ මතු වූ පසු 100%ක්ම මාරාන්තික වන ජලභීතිකා රෝගය පාලනය කිරීමට නම් සුනඛ වන්ධ්යාකරණ සහ එන්නත්කරණ වැඩසටහන් කඩිනමින් යළි ආරම්භ කළ යුතු බව වෛද්යවරු අවධාරණය කරති.
