පැවැති අයහපත් කාලගුණික තත්ත්වය හේතුවෙන් පවුල් 1,190කට අයත් පුද්ගලයින් 4,360 දෙනෙකු බලපෑමට ලක්ව ඇති බව ආපදා කළමනාකරණ මධ්‍යස්ථානය සඳහන් කරයි. මෙම බලපෑම් දිස්ත්‍රික්ක 17ක ප්‍රාදේශීය ලේකම් කොට්ඨාස 125කින් වාර්තා වී තිබේ.
අධික වැසි හේතුවෙන් පුද්ගලයින් සිව්දෙනෙකු මියගොස් ඇති අතර තවත් අටදෙනෙකු තුවාල ලබා එක් අයෙකු අතුරුදන්ව ඇති බවද වාර්තා වේ. එමෙන්ම පූර්ණ නිවාස හානි 4ක් සහ අර්ධ නිවාස හානි 613ක් වාර්තා වී තිබේ. ආරක්ෂිත මධ්‍යස්ථාන දෙකක පවුල් 13කට අයත් පුද්ගලයින් 46 දෙනෙකු රඳවා සිටින බවද ආපදා කළමනාකරණ මධ්‍යස්ථානය සඳහන් කරයි.
මේ අතර, ඇතැම් ප්‍රදේශවල පවතින වියළි කාලගුණික තත්ත්වය හේතුවෙන් දිස්ත්‍රික්ක 12ක ප්‍රාදේශීය ලේකම් කොට්ඨාස 33ක පවුල් 49,796කට අයත් පුද්ගලයින් 164,348 දෙනෙකුද බලපෑමට ලක්ව ඇති බව වාර්තා වේ.
