ලෝකයේ කිසිදු පිළිගත් බැඩ්මින්ටන් තරඟාවලියක හෝ ජාත්යන්තර බැඩ්මින්ටන් සම්මේලන පටිපාටියක නැති ත්රිත්ව අංශය නමැති නීති විරෝධී ඉසව්වක් මූලික කරගනිමින්,
ශ්රී ලංකා බැඩ්මින්ටන් සංගමය විසින් කනිෂ්ඨ සහ විවෘත අංශවල ක්රීඩකයන්ගේ ත්යාග මුදල් අයථා ලෙස වෙනතකට යොමු කිරීමේ දැවැන්ත අක්රමිකතාවක් අනාවරණය වී තිබේ. ලෝක මට්ටමේ කිසිදු නිල තරඟාවලියක පවත්වා නොමැති මෙවැනි අමුතු ඉසව් නිර්මාණය කරමින් ප්රවීණයන්ගේ අංශය වෙනුවෙන් විශාල ත්යාග මුදලක් වෙන් කිරීමට කටයුතු කිරීම පිටුපස නිලධාරීන්ගේ දැවැන්ත මූල්ය අක්රමිකතාවක් පවතින බවට ක්රීඩකයෝ සෘජුවම චෝදනා කරති.
එක්සත් ජාත්යන්තර පටිපාටීන්ට පටහැනිව යමින් සංවිධානය කර ඇති මෙම තරඟාවලියේදී, සමස්ත තරඟකරුවන්ගෙන් 20%ක් වැනි සුළු සහභාගීත්වයක් දක්වන ප්රවීණයන්ගේ අංශයට මුළු ත්යාග මුදලින් 40%ක දැවැන්ත ප්රතිශතයක් වෙන් කර ඇත. එමෙන්ම, නිල නොවන Triple Events වැනි අංශ සඳහා ද අසාධාරණ ලෙස මුදල් වෙන් කරමින්, කැපවීමෙන් ක්රීඩා කරන කනිෂ්ඨ සහ විවෘත අංශවල නැඟී එන ක්රීඩකයන්ට හිමිවිය යුතු 60%ක ත්යාග මුදල සූරාකෑමට කටයුතු යොදා තිබීම හෙළාදකින බව ක්රීඩකයෝ පවසති.
ක්රීඩාවේ අනාගතය වන යොවුන් ක්රීඩකයන්ගේ හිමිකම් අහිමි කරමින්, ලෝකයේ කොහෙවත් නැති ඉසව් අටවාගෙන ජාතික සංගමයේ ඇතැම් නිලධාරීන් සහ ප්රවීණ ක්රීඩකයන් එකතු වී සිදු කරන මෙම මූල්ය සූරාකෑම වහාම නතර කරන ලෙස ක්රීඩකයෝ බලකර සිටිති. ශ්රී ලංකා බැඩ්මින්ටන් සංගමය විසින් මෙම අසාධාරණ තීරණ වහාම හකුලා නොගතහොත්, මෙම විකාරරූපී තරඟ සංවිධානයට සහ මූල්ය වංචාවලට එරෙහිව දැඩි නීතිමය හා පරිපාලනමය ක්රියාමාර්ග ගැනීමට ක්රීඩකයන් සූදානම් වේ.
