ශ්‍රී ලංකාව සඳහා අලුතින් පත් වූ බෲනායි දරුස්ලාම් හි මහකොමසාරිස්, සිටු අර්තිෆාර්සා බින්ති හාජ් මොහොමඩ් ෂයිඩ් සහ වෙළඳ, වාණිජ, ආහාර සුරක්ෂිතතා සහ සමුපකාර සංවර්ධන අමාත්‍ය වසන්ත සමරසිංහ මහතා අතර හමුවක් ඊයේ (25) පැවැත්විණි.
ජනාධිපති අනුර කුමාර දිසානායක වෙත සිය අක්තපත්‍ර භාරදීමෙන් අනතුරුව පැවැති මෙම හමුවේදී දෙරට අතර පවතින දීර්ඝකාලීන මිත්‍රශීලී ද්විපාර්ශ්වික සබඳතා තවදුරටත් ශක්තිමත් කරගැනීම කෙරෙහි අවධානය යොමු කර තිබේ.
බෲනායි සුල්තාන්වරයාගේ රාජ්‍යප්‍රাপ্তි සංවත්සරය සහ ඒට අනුබද්ධ සංස්කෘතික/සංචාරක වැඩසටහන් ඇතුළු ඉදිරි විශේෂ උත්සව සම්බන්ධයෙන් මෙහිදී බෲනායි දරුස්ලාම් හි මහකොමසාරිස්වරිය විසින් අමාත්‍යවරයා දැනුවත් කරනු ලැබීය. බෲනායි සුල්තාන් රජුගේ රාජ්‍යප්‍රাপ্তි සංවත්සරය වෙනුවෙන් උණුසුම් සුබ පැතුම් එක කළ අමාත්‍යවරයා, දෙරට අතර ද්විපාර්ශ්වික ආර්ථික සහයෝගිතාව තවදුරටත් ශක්තිමත් කිරීමට අපේක්ෂා කරන බව පැවසීය.
බෲනායි වෙළඳපොළ තුළ ශ්‍රී ලංකා තේ සඳහා ඉහළ ප්‍රසාදයක් පවතින බව මහකොමසාරිස්වරිය මෙහිදී ප්‍රකාශ කළ අතර, බෲනායි රාජ්‍යය ආහාර සඳහා සහල් පිටරටින් ආනයනය කරන අතර, ශ්‍රී ලංකාවෙන් සහල් ලබාගැනීමට ඇති හැකියාව පිළිබඳවද මෙහිදී සාකච්ඡා කළාය.
