රෝහල්, පොදු ප්රවාහන මධ්යස්ථාන සහ රජයේ ආයතන ඇතුළු පොදු ස්ථාන කරා ආබාධ සහිත පුද්ගලයන්ට බාධාවකින් තොරව ප්රවේශ වීමේ පහසුකම් සංවර්ධනය කිරීම සඳහා රජය මෙවර අයවැයෙන් රුපියල් මිලියන 1000ක මුදලක් වෙන් කර තිබේ. ග්රාමීය සංවර්ධන, සමාජ ආරක්ෂණ හා ප්රජා සවිබලගැන්වීම් අමාත්යාංශය යටතේ පවතින ආබාධ සහිත පුද්ගලයන් සඳහා වන ජාතික ලේකම් කාර්යාලය මගින් මේ සඳහා අවශ්ය සංවර්ධන යෝජනා කැඳවීම දැනටමත් ආරම්භ කර ඇත.
ජාතික ජන බලවේගය රජයේ “එක්ව අත් නොහැර” ජාතික ප්රතිපත්තියට අනුව මෙම ව්යාපෘතිය ක්රියාත්මක වන බවත්, ආබාධ සහිත පුද්ගලයන්ගේ ප්රවේශ අයිතිය තහවුරු කිරීම රජයේ ප්රමුඛ කාර්යයක් බවත් විෂයභාර අමාත්ය මහාචාර්ය උපාලි පන්නිල මහතා ප්රකාශ කළේය. ඊයේ (29) පැවැති ආබාධ සහිත පුද්ගලයන් සඳහා වන ජාතික සභාවේ මාසික රැස්වීමෙන් අනතුරුව මාධ්ය වෙත අදහස් දැක්වූ අමාත්යවරයා වැඩිදුරටත් සඳහන් කළේ, මෙම සංවර්ධන කටයුතු කඩිනමින් නිම කර ආබාධ සහිත ප්රජාවට පොදු සේවාවන් සමග සමීපව කටයුතු කිරීමට ඇති බාධාවන් ඉවත් කරන බවයි.
