2024 ජන හා නිවාස සංගණන වාර්තාවට අනුව ශ්රී ලංකාවේ ශ්රම බලකාය සහ රැකියා වියුක්තිය පිළිබඳව ඉතා වැදගත් තොරතුරු රැසක් අනාවරණය වී තිබේ. මෙරට වයස අවුරුදු 15ට වැඩි, වැඩ කළ හැකි වයසේ පසුවන මුළු ජනගහනය ලක්ෂ 172කට අධික වුවත්, එයින් ආර්ථික වශයෙන් ක්රියාශීලීව රැකියාවල නියුක්තව සිටින්නේ 7,671,232ක් වැනි පිරිසකි.
සංගණන දත්ත පෙන්වා දෙන පරිදි ශ්රම බලකායට අයත් සමස්ත ජනගහනය ලක්ෂ 81ක් වන අතර, ඉන් ලක්ෂ 5කට ආසන්න පිරිසක් (491,709ක්) තවමත් විරැකියාවෙන් පෙළෙන රැකියා වියුක්තිකයන් ලෙස හඳුනාගෙන ඇත. රටේ වැඩ කළ හැකි පිරිසෙන් විශාල පිරිසක් තවමත් ආර්ථිකයේ ප්රධාන ධාරාවට එක්ව නොමැති බව මෙම සංඛ්යාලේඛන මගින් මනාව පැහැදිලි වේ.
