ගෝලීය වෙළෙඳ භාණ්ඩ වෙළෙඳපොළ තුළ පවතින ඉහළ අවිනිශ්චිතතාව සහ එල් නිනෝ (El Niño) සංසිද්ධිය සමඟ ඇතිවිය හැකි අහිතකර කාලගුණික තත්ත්වයන්ගේ බලපෑම හේතුවෙන්, නුදුරු සහ මැදි කාලීනව උද්ධමනය පුරෝකථනය කළ මට්ටමට වඩා ඉහළ යෑමේ අවදානමක් පවතින බව ශ්රී ලංකා මහ බැංකුව පවසයි.
2026 අගෝස්තු මුදල් ප්රතිපත්ති වාර්තාව ප්රකාශයට පත් කරමින් මහ බැංකුව මේ බව සඳහන් කර ඇති අතර, කෙසේ වුවද උද්ධමන අපේක්ෂාවන් මැදි කාලීනව ඉලක්කය වටා ස්ථායීව පවතිනු ඇතැයි අපේක්ෂා කෙරේ. 2026 වසරේ පළමු කාර්තුවේ දී 2%කට ආසන්න අගයක පැවති මතුපිට උද්ධමනය, ගෝලීය බලශක්ති මිල ඉහළ යාම සහ දේශීය ඉල්ලුම ශක්තිමත් වීම හේතුවෙන් පසුව සීඝ්රයෙන් ඉහළ ගියේය.
මේ අතර, 2026 වසරේ පළමු කාර්තුවේදී ශ්රී ලංකා ආර්ථිකය මූර්ත දළ දේශීය නිෂ්පාදිතයේ 5.1%ක ශක්තිමත් වර්ධනයක් වාර්තා කර තිබුණද, මැදපෙරදිග කලාපයේ භූ දේශපාලනික අර්බුද සහ මෝටර් රථ ආනයනය ඉහළ යාම හේතුවෙන් විදේශීය ජංගම ගිණුමේ හිඟයක් වාර්තා වී ඇති බවද මහ බැංකුව පෙන්වා දෙයි. උද්ධමනය පාලනය කිරීම සඳහා මහ බැංකුව 2026 වසරේ මැයි මාසයේදී මුදල් ප්රතිපත්ති ස්ථාවරය දැඩි කිරීමට පියවර ගත්තේය.
