ජාත්යන්තර තේ දිනය (International Tea Day) සැමරීම නිමිත්තෙන් ශ්රී ලංකා සන්නාමයට ලෝක මට්ටමින් ඉහළම වටිනාකමක් ගෙන දෙන ‘සිලෝන් ටී’ (Ceylon Tea) ප්රවර්ධනය කිරීමේ විශේෂ රාජ්ය තාන්ත්රික උත්සවයක් තුර්කියේ පිහිටි ශ්රී ලංකා තානාපති නිල නිවසේදී උත්කර්ෂවත් අයුරින් පවත්වා තිබේ. තුර්කියේ ශ්රී ලංකා තානාපති කාර්යාලය, ශ්රී ලංකා තේ මණ්ඩලය සහ තුර්කියේ ප්රමුඛතම තේ ආනයන සමාගමක් වන ‘BETA Food’ ආයතනය ඒකාබද්ධව මෙම විශේෂ වැඩසටහන සංවිධානය කර ඇත.
මෙම අවස්ථාවට තුර්කියේ විදේශීය රාජ්ය තාන්ත්රික නිලධාරීන්, එරට රජයේ ඉහළ පෙළේ නිලධාරීන්, ප්රමුඛ පෙළේ තේ ව්යාපාරිකයන් මෙන්ම එරට ප්රධාන පෙළේ මාධ්ය ආයතන රැසක් සහභාගී වී තිබේ. මෙහිදී අදහස් දැක්වූ තුර්කියේ ශ්රී ලංකා තානාපතිනි නිලූකා කදුරුගමුව මහත්මිය ප්රකාශ කළේ, යුනෙස්කෝව (UNESCO) විසින් ප්රකාශයට පත් කර ඇති ජාත්යන්තර තේ දිනය ලංකාවට අතිශය වැදගත් වන බවත්, එහි අසමසම ගුණාත්මකභාවය, සුවඳ සහ රසය හේතුවෙන් ලෝක වෙළෙඳපොළ තුළ ‘සිලෝන් ටී’ සඳහා පවතින ඉහළ පිළිගැනීම තවදුරටත් ශක්තිමත් වී ඇති බවත්ය. මෙහිදී ලංකාවේ ප්රධාන තේ වගාකරන කලාප 7කට අයත් වටිනා තේ වර්ග පිළිබඳව විදෙස් නියෝජිතයන්ට සජීවීව රස බැලීමේ අවස්ථාව (Tea Tasting Session) ද උදාකර දී තිබුණි. මෙමඟින් තුර්කිය සහ ශ්රී ලංකාව අතර පවතින ද්විපාර්ශ්වික වෙළෙඳ සබඳතා තවදුරටත් ශක්තිමත් වනු ඇතැයි අපේක්ෂා කෙරේ.
