සංස්කෘතික උත්සව සමය හේතුවෙන් පවතින සාමාන්ය රටාව පිළිබිඹු කරමින්, 2026 අප්රේල් මාසයේදී ශ්රී ලංකාවේ ඉදිකිරීම් ගැනුම් කළමනාකරුවන්ගේ දර්ශකය (Construction PMI) දර්ශකාංක 45.7ක් දක්වා පහළ ගොස් ඇත.
මෙම පසුබෑමට ප්රධාන හේතු ලෙස මැදපෙරදිග ගැටුම්කාරී තත්ත්වය හේතුවෙන් අමුද්රව්ය පිරිවැය ඉහළ යාම සහ ඛනිජ තෙල් රසායනික මත පදනම් වූ අමුද්රව්ය හිඟය බලපා ඇත. ඉහළ යන පිරිවැය හේතුවෙන් ඇතැම් නව ව්යාපෘති නැවත සාකච්ඡා කිරීමට සිදුවීම ඉදිකිරීම් කටයුතුවලට අභියෝගයක් වී තිබේ. කෙසේ වෙතත්, මාර්ග ප්රතිසංස්කරණ ව්යාපෘති ඇතුළු නව ඇණවුම් ලැබීමේ වර්ධනයක් දක්නට ලැබෙන අතර, සේවක බඳවා ගැනීම් ද ස්ථාවරව පවතී. කෙසේ වෙතත්, ඉදිකිරීම් ක්ෂේත්රයේ පුහුණු සේවක හිඟය තවදුරටත් ගැටලුවක් ලෙස පවතී.
සැපයුම්කරුවන්ගේ බෙදාහැරීම් ප්රමාද වීම සහ තොග මිලදී ගැනීම් පහළ යාම වාර්තා වුවද, අඛණ්ඩව ලැබෙන ඉදිකිරීම් ව්යාපෘති හේතුවෙන් ඉදිරි මාස තුන සඳහා ඉදිකිරීම් ක්ෂේත්රයේ අපේක්ෂා තවදුරටත් ධනාත්මකව පවතී.
