කොවිඩ්-19 වසංගත සමයේදී ඉතා ඉහළ අවදානමක් මධ්යයේ ස්වේච්ඡාවෙන් සේවය කළ තරුණයෙකුට 2026 වසරේ හජ් වන්දනාව සඳහා නොමිලේ සහභාගී වීමට අවස්ථාව උදා වී තිබේ. මුස්ලිම් ආගමික හා සංස්කෘතික කටයුතු පිළිබඳ නියෝජ්ය අමාත්ය කාර්යාලය විසින් මෙම පියවර ගෙන ඇත.
ඕත්තමාවඩිය ප්රදේශයේ තරුණ කණ්ඩායමක සාමාජිකයෙකු වූ මොලවි සමීම් මහතා, කොවිඩ්-19 හේතුවෙන් මියගිය පුද්ගලයින්ගේ දේහයන් භූමදානය කිරීමේ කාර්යයේදී පෞද්ගලික අවදානම නොතකා කැපවීමෙන් සේවය කළ අයෙකි. ඔහුගේ එම මානුෂීය සේවය අගය කරමින් ඔහුගේ සමකාලීනයන් විසින් හජ් වන්දනාව සඳහා ඔහුගේ නම යෝජනා කර තිබුණි.
ඊට අදාළ ගුවන් ටිකට්පත් සහ ලියකියවිලි මුස්ලිම් ආගමික හා සංස්කෘතික කටයුතු පිළිබඳ නියෝජ්ය අමාත්ය මුනීර් මුලෆර් මහතා විසින් නිල වශයෙන් මොලවි සමීම් මහතා වෙත භාර දෙන ලදී.
