ශ්රී ලංකා රේගු දෙපාර්තමේන්තුව විසින් මැයි මාසය සඳහා පනවා තිබූ රුපියල් මිලියන 187,801ක ආදායම් ඉලක්කය සාර්ථකව ඉක්මවා යමින්, දින 25ක් වැනි කෙටි කාලයක් තුළ රුපියල් මිලියන 190,947ක ආදායමක් උපයා ගැනීමට සමත්ව තිබේ. 2026 වසර සඳහා ශ්රී ලංකා රේගුව වෙත පනවා ඇති සමස්ත වාර්ෂික ආදායම් ඉලක්කය රුපියල් බිලියන 2,206කි.
මෙම ආදායම් ඉලක්කය සපුරා ගැනීමට බලපෑ ප්රධාන සාධක අතර ඇමරිකානු ඩොලරයේ අගය ඉහළ යාම මූලික වේ. මීට අමතරව වාහන ආනයනය ඉහළ යාම ආදායම් උත්පාදනයට සෘජුවම දායක වී ඇත. අනෙකුත් ආනයනික භාණ්ඩවලින් ලැබුණු බදු ආදායම ද මෙම ඉලක්කය සපුරා ගැනීමට හේතු වූ බව රේගුවේ මාධ්ය ප්රකාශක චන්දන පුංචිහේවා මහතා ප්රකාශ කරයි. මෙම ජයග්රහණය රේගු දෙපාර්තමේන්තුවේ මෙහෙයුම් කාර්යක්ෂමතාව සහ ආර්ථික වර්ධනය සඳහා ඔවුන් දක්වන දායකත්වය තහවුරු කරන්නක් බව වාර්තා වේ.
