ආරක්ෂක අමාත්යාංශයේදී ඊයේ (21) ආරක්ෂක ලේකම් එයාර් වයිස් මාර්ෂල් සම්පත් තුයියකොන්ත (විශ්රාමික) මහතාගේ ප්රධානත්වයෙන් දේශීය ගුවන් සේවා මෙහෙයුම් සහ ආරක්ෂක කටයුතු පිළිබඳ ප්රගති සමාලෝචන රැස්වීමක් පවත්වන ලදී. ජාතික ආරක්ෂාව තහවුරු කරමින් ශ්රී ලංකාවේ දේශීය ගුවන් සේවා අංශය ශක්තිමත් කිරීමේ පියවරයන්හි ප්රගතිය ඇගයීම මෙහි අරමුණ විය.
මෙම රැස්වීමේදී ගුවන් සේවා කර්මාන්තයේ මෙහෙයුම් කාර්යක්ෂමතාව සහ නියාමන සම්බන්ධීකරණය ඉහළ නැංවීමේ යෝජනා රැසක් සමාලෝචනය කර ඇති අතර, ආරක්ෂක නිෂ්කාශන ක්රියාපටිපාටි වැඩිදියුණු කිරීම, මෙහෙයුම් ක්රියාවලි විධিমත් කිරීම සහ ගුවන් අවකාශ කළමනාකරණය පිළිබඳව අවධානය යොමු කෙරිණි. විශේෂයෙන්ම, කොළඹ පෝට් සිටි (Port City) තුළ කැපවූ හෙලිකොප්ටර් ගොඩබෑමේ පහසුකමක් (Helicopter landing facility) ස්ථාපිත කිරීමේ යෝජනාව කෙරෙහි විශේෂ අවධානයක් යොමු කර ඇති අතර, ව්යාපාරික, සංචාරක සහ හදිසි මෙහෙයුම් සඳහා එහි ඇති උපායමාර්ගික වැදගත්කම සලකා බලා සියලු පාර්ශ්වයන් සමඟ සාකච්ඡා කර එය තවදුරටත් තක්සේරු කරන ලෙස ආරක්ෂක ලේකම්වරයා අදාළ බලධාරීන්ට උපදෙස් දී තිබේ.
දශක දෙකකට අධික කාලයක් විසඳී නොතිබූ ගැටලුවලින් සියයට 90කට ආසන්න ප්රමාණයක් ආරක්ෂක අමාත්යාංශයේ මඟපෙන්වීම යටතේ මේ වන විට සාර්ථකව විසඳී ඇති බව ගුවන් යානා ක්රියාකරුවන් සහ හිමිකරුවන්ගේ සංගමයේ නියෝජිතයෝ මෙහිදී සඳහන් කර ඇත. ත්රිවිධ හමුවල, පොලීසියේ, සිවිල් ගුවන් සේවා අධිකාරියේ සහ නාගරික සංවර්ධන අධිකාරිය ඇතුළු ආයතනවල ජ්යෙෂ්ඨ නිලධාරීන් පිරිසක් මෙම අවස්ථාවට එක්වී තිබේ.
