ශ්රී ලංකාවේ ඩිජිටල් පරිවර්තනය සාර්ථක කර ගැනීම සඳහා අවශ්ය තාක්ෂණික පහසුකම්වලට අමතරව, එම සේවාවන් ජනතාව වෙත ළඟා කර දීමට සුදුසු ශක්තිමත් ආයතනික ව්යුහයක් සහ මානව සම්පතක් සකස් කිරීමේ අරමුණින් ‘ඩිජිටල් පරිවර්තනය පිළිබඳ සංවර්ධන හවුල්කරුවන්ගේ කණ්ඩායමේ’ (Development Partner Working Group on Digital Transformation) පළමු සාකච්ඡාව පසුගියදා පැවැත්විණි. ඩිජිටල් ආර්ථික නියෝජ්ය අමාත්ය එරංග වීරරත්න මහතා සහ ශ්රී ලංකාවේ එක්සත් ජාතීන්ගේ නේවාසික සම්බන්ධීකාරක මාක්-ඇන්ඩ්රේ ෆ්රැන්චේ මහතාගේ සම-සභාපතිත්වයෙන් මෙම සාකච්ඡාව සංවිධානය කෙරිණි.
මහජනතාවට වඩාත් වේගවත් සහ පහසුවෙන් ප්රවේශ විය හැකි ඩිජිටල් පොදු සේවාවන් නිර්මාණය කිරීමට රජය සහ සංවර්ධන හවුල්කරුවන් අතර පවතින සම්බන්ධීකරණය තවදුරටත් ශක්තිමත් කිරීම මෙම හමුවේ ප්රධාන අරමුණ විය. රාජ්ය සේවයේ නිරත නිලධාරීන්ගේ ධාරිතාව ඉහළ නැංවීම සඳහා ක්රමවත් පුහුණු වැඩසටහන් ක්රියාත්මක කිරීමේ අවශ්යතාව පිළිබඳව මෙහිදී දීර්ඝ වශයෙන් සාකච්ඡා විය. සෑම ශ්රී ලාංකිකයෙකුටම සමාන අවස්ථා ලබා දෙන, සියලු දෙනා ඇතුළත් කරගත් තිරසාර ඩිජිටල් අනාගතයක් ගොඩනැගීම වෙනුවෙන් අදාළ පාර්ශවයන් අඛණ්ඩව කැපවීමට එකඟතාව පළ කර ඇත.
