පවතින දැඩි වියළි කාලගුණ තත්ත්වය හේතුවෙන් අනුරාධපුර සහ පොළොන්නරුව ප්රදේශවල කිරි ගොවීන් දැඩි දුෂ්කරතාවන්ට මුහුණ දී සිටින බව වාර්තා වේ. ගවයන්ට අවශ්ය ආහාර සහ ජලය නොමැතිකම නිසා මීට පෙර ලීටර් 7ත් 8ත් අතර මට්ටමක පැවති දෛනික කිරි නිෂ්පාදනය ලීටර් 1ත් 2ත් දක්වා පහත වැටී ඇති බව ගොවීන් පවසයි.
මේ අතර දිස්ත්රික්ක 7ක ප්රාදේශීය ලේකම් කොට්ඨාස 25ක පවුල් 26,457කට අයත් පුද්ගලයින් 84,545 දෙනෙකු මෙම නියඟයෙන් පීඩාවට පත්ව සිටී. දිස්ත්රික්ක 6ක පවුල් 24,144ක පුද්ගලයින් 75,734 දෙනෙකුට මේ වන විට හදිසි පානීය ජලය බෙදා හැරීම සිදු කෙරෙන අතර, වැඩිම පිරිසකට ජලය ලබා දී ඇත්තේ මොනරාගල දිස්ත්රික්කයේය (පුද්ගලයින් 35,639ක්). මඩකලපුව, අම්පාර, පොළොන්නරුව සහ රත්නපුර යන දිස්ත්රික්කවල ද ජල හිඟයෙන් පීඩාවට පත් පිරිස් වෙත පානීය ජලය සැපයෙමින් පවතී.
ගිරිතලේ වැව, සේනානායක සමුද්රය ඇතුළු ප්රධාන සහ කුඩා ජලාශ රැසක ජල මට්ටම දැඩි ලෙස පහත වැටී ඇති අතර, සෝමාවතිය ජාතික වනෝද්යානයේ වල් අලි රංචු පානීය ජලය පතා ජනරංජන වැව දෙසට ගමන් කිරීම ඇතුළු වනජීවීන්ටද මෙම නියඟයෙන් දැඩි බලපෑම් එල්ල වී තිබේ. නියඟයෙන් පිහිටක් පතා ‘මව්බිම සුරැකීමේ සංවිධානය’ මගින් දිවයින පුරා වෙහි පිරිත් පිංකම් මාලාවක්ද ආරම්භ කර ඇත.
