එල්-නිනෝ දේශගුණික බලපෑමට මුහුණ දීම සඳහා ගත යුතු පියවර සම්බන්ධයෙන් සාකච්ඡා කිරීම සඳහා පරිසර අමාත්ය වෛද්ය ධම්මික පටබැඳි මහතාගේ සභාපතිත්වයෙන් පත් කරන ලද විශේෂ අමාත්ය මණ්ඩල අනුකමිටුව සහ නිලධාරී කමිටුව ජනාධිපති කාර්යාලයේදී පසුගිය 31 වැනිදා සිව්වන වරටත් රැස්වී ඇත.
මෙම හමුවේදී එල්-නිනෝ බලපෑම හේතුවෙන් ඇතැම් පිරිස්වලට රැකියා අහිමි වීමේ අවදානම පිළිබඳව විශේෂ අවධානය යොමු කර ඇති අතර, එසේ රැකියා අහිමි වූ අයට සහන සැලසීම වෙනුවෙන් අනුගමනය කළ හැකි ක්රමවේද පිළිබඳව පුළුල් ලෙස සාකච්ඡා කර තිබේ. එෙන්ම, එල්-නිනෝ දේශගුණික තත්ත්වය හේතුවෙන් එළවළු සහ පළතුරු වගාවන්ට ඇති විය හැකි අවදානම අවම කිරීම සඳහා ගත යුතු පියවර මෙන්ම, රට තුළ එළවළු හිඟයක් ඇති නොවන පරිදි අනුගමනය කළ යුතු ක්රියාමාර්ග පිළිබඳවද අවධානය යොමු කර ඇත. මේ වන විට දිස්ත්රික්ක 06ක ජනතාව එල්-නිනෝ බලපෑමට ලක්ව ඇති බැවින්, එම ප්රදේශවල ජනතාවගේ දෛනික ජීවිතය සාමාන්ය පරිදි පවත්වාගෙන යාම සඳහා අවශ්ය අඛණ්ඩ ජල සැපයුම සහතික කිරීමේ වැඩසටහන්වල ප්රගතියද සමාලෝචනයට ලක් කර තිබේ.
