මෙරට සංචාරක ආකර්ෂණය වැඩිකරමින් සහ උත්සව කළමනාකරණ ක්ෂේත්රය විධිමත් කරමින් ‘ශ්රී ලංකා උත්සව දින දර්ශනය’ (Sri Lanka Event Calendar) පසුගියදා කොළඹදී නිල වශයෙන් දියත් කරන ලදී. ශ්රී ලංකා උත්සව කළමනාකරණ සංගමය (EMA) විසින් කර්මාන්ත හා ව්යවසායකත්ව සංවර්ධන අමාත්යාංශයේ මඟපෙන්වීම යටතේ නිර්මාණය කරන ලද මෙම මධ්යගත ඩිජිටල් වේදිකාව, මෙරට පැවැත්වෙන සංස්කෘතික, ක්රීඩා සහ ආයතනික (MICE) උත්සව පිළිබඳ තොරතුරු ලබාදෙන නිල මඟපෙන්වන්නා ලෙස ක්රියාත්මක වේ.
කර්මාන්ත හා ව්යවසායකත්ව සංවර්ධන අමාත්ය සුනිල් හඳුන්නෙත්ති සහ නියෝජ්ය අමාත්ය චතුරංග අබේසිංහ යන මහත්වරුන්ගේ ප්රධානත්වයෙන් පැවැති මෙම උත්සවයේදී, ක්ෂේත්රයේ වෘත්තීයභාවය ඉහළ නැංවීම සඳහා ‘ජාත්යන්තර උත්සව කළමනාකරණය සහ අලෙවිකරණ අධ්යයනය පිළිබඳ ඩිප්ලෝමා’ පාඨමාලාව ද හඳුන්වා දෙන ලදී. චන්න-උපුලි රංගන පදනම සහ නාද්රෝ (Naadro) කණ්ඩායම ඉදිරිපත් කළ විචිත්රවත් සංස්කෘතික අංගයන්ගෙන් මෙම අවස්ථාව වර්ණවත් වූ අතර, මෙම නව දින දර්ශනය හරහා මෙරට උත්සව සහ සංස්කෘතික අනන්යතාව ජාත්යන්තරයට ගෙන යාමට ශක්තිමත් පදනමක් වැටෙනු ඇතැයි අපේක්ෂා කෙරේ.
